Екстремни Тренинзи: Чеплес – Солунска Глава и назад

Вчера се реализира последната епизода од серијалот “Екстремни Тренинзи”. Овој пат екипата Tomas Lobanga и Big Mazungo се подели и направи два Ектремни Тренинзи.
Во оваа прилика го опишуваме тренингот на Lobanga. Наскоро ќе има информации и за тренингот на Mazungo.

Тренингот се одржа на планината Јакупица.
старт: Планинарски Дом “Чеплес” (1450м)
крај: исто :)
попатна точка: Врв Солунска Глава (2540м)

Во друштво со неколку свои другари Tomas Lobanga во сабота сабајле тргна со кола до рибникот кај село Нежилово. Од таму пеш дружба до Чеплес. Остатокот од денот се помина во уживање на благодетите на планинарскиот дом … Освен чистиот воздух, убавата околина, 420 години старите кревети и постелнини, се уживаше и во “квалитетната” кујна, “ергономските” клупи и маси и други ‘high de lux’ нешта :)

Денот помина, но не и ноќта кога во 5 часот наутро мораше да се стане за да се завршат последните подготовки и да се тргне.
Бевме информирани за не баш идеалните услови што не чекаат, така што на наш ризик тргнавме. Наскоро Tomas Lobanga остана сам затоа што мораше да го задржи добриот ритам што го имаше фатено. Кој бил на Солунска Глава знае дека на некои места едноставно мора да се оди (скоро сите што сте биле всушност и не знаете дека на добар дел од патеката може да се трча, но што е тука е … ). Пред самиот врв условите беа навистина лоши, со пресилни ветрови и прегуста магла. Би рекол и преладно време, но сепак добриот ритам и загреаноста од трчањето се погрижи тоа да не се почуствува многу. За околу 2 часа и нешто кусур минути стигна и врвот, оносно оградата на воената база што се наоѓа на врвот. Враќањето назад беше едноставно уживање во природата и за околу 1 час и некоја минута дојде и Чеплес. Вкупно време: околу 3 часа и 10 минути.

Подолу може да видите едно кратко клипче, во моментите кога конечно беше доволно комотно да се извади мобилен и сними нешто…

До наредниот Екстремен Тренинг … СПОРТСКИ ПОЗДРАВ !!!