Извештај од Прага!

start

На 31 март годинава, нашите атлетичари успешно го завршија Прага полумаратонот (Hervis Prague Half Marathon) и од таму се вратија со лични рекорди и еден државен рекорд. Еве како изгледа тоа во бројки:

*Александар Кираџиев (Kiradjiev Alexandar) финишираше со личен рекорд и време од 1:14:56;

A.KIradjiev

*Томе Попчевалиев (Popcevaliev Tome) исто така заврши со личен рекорд во џебот и тоа со 1:26:35;

T.Popcevaliev

*Весна Кираџиева (Kiradjieva Vesna) покрај личен рекорд, успеа да се избори и за државен рекорд со време од 1:31:06.

V.Kiradjieva

Сепак ова се далеку под нивните очекувања со оглед на тоа што времето не ги послужи атлетичарите тој ден. Со идеална температура од 8 степени по Целзиус, тоа ќе беше одлична шанса за подобри резултати и остварување на целите. Но ветерот од 7-9 метри во секунда го наплати својот данок. Доказ за тоа е и победникот Tsegay Atsedu од Етиопија, кој целеше на светски рекорд, но за 24 секунди не успеа да го собори и заврши со време од 58:47. Кај девојките триумфираше Кенијката Chepkirui Joyce со време 1:07:03.

Овие резултати, Весна, Александар и Томе ги остварија благодарение на подршката на неколку спортски подржувачни кои несебично им изразија доверба и подршка изминатите неколку месеци додека тие се подготвуваа за претстојната сезона. Од тие причини, гордо и јавно им заблагодаруваме на пријателите од Штедилница Можности, Јамница (Проспорт), Twins sandwiches (Velmar food) и Скопски маратон кои беа главни покровители на успесите од Прага, но и на оние кои допрва следат.

За крај ве оставаме да уживате во краткото видео.