Топ 10 совети од Dathan Ritzenhein, Bernard Lagat и Abdi Abdirahman (pre NYC Halfmarathon press)

*фрустрирачки е кога имате позади себе 3-4 месеци силна база и на крај од периодот искрсне некоја повреда. Да се биде малку под оптималната подготвеност е ОК – Dathan Ritzenhein.

1)      Да се биде здрав и без повреда е #1 приоритет

Ritz, Lagat и  Abdi, сите тројца имаат огромни успеси на своите портфолиа, но сите имаат свој начин на постигнување на целите, сите разликувајќи се еден од друг, па дури и дијаметрално спротивно. Но сите имаат едно заедничко – да останат здрави и без повреда во периодот додека се подготвуваат. Bernard е својствен по релативно малата неделна километража (до 100км). Abdi има еден тон недели со по +190км неделна километража. Тој е постојано на црвената линија, но ги контролира работите и останува во безбедна зона. Ritz пак, заедно со Salazar констатирале дека повеќе од 170км неделно, предизвикува повреда или го води кон повреда. Затоа не го пречекорува прагот и останува според зацртаниот план. Тој вели: ’трчањето е всушност способност да успеете да тренирате јако и во исто време да се држите на страна од повреди’.

2)      Добрата база е суштинска за успехот

Lagat во недела ќе ја има својата прва полмаратонска трка во својата кариера. Никогаш претходно тој нема истрчано трка дури ни на 10км. Иако има релативно мала неделна километража, тој вели дека за него многу битен сегмент во успехот е силната база. Полумаратонот во недела не е приоритетен за него, но вели дека би било одличен тренинг, како дел од неговите базични подготовки за тоа што го очекува во август на 5000-ката на Светското првенство во Москва.

3)      Не ја заборавајте главната цел на сезоната – Lagat

Главната цел за Lagat е да победи на 5000м во Москва, пред големите фаворити –  Mo Farah и Galen Rupp. Каков и да биде епилогот во недела на NYC Half, за него ќе биде одлично, знаејќи дека дал максимум, направил одлична километража, а несомнено секоја трка се брои многу повеќе од само тренинг.

4)      Заборави на гордоста за време на тренинзите

Ritz тренира со двајцата големи distance тркачи на денешницата – Galen Rupp и  Mo Farah.  Што му прават тие на тренинзите? Едноставно го ’газат’ на стаза тренинзите. Но тој вели дека гордоста ја трга на страна и знае дека направил одличен тренинг кога ќе го даде своето најдобро без разлика што буквално ќе биде спраштен од двајцата големи тренинг партнери.

Abdi го дели мислењето. Тој вели дека тренинзите не се трка. На тренинзите може некогаш страшно добро да ви тргне, има денови кога на тренинг партнерот ќе му тргне, а вие едвај ќе се обидувате да го пратите, но на тренинг е оправдано да покажете и послаб перформанс од вашиот потенцијал. Сепак максимумот се дава на трка и таму нема оправдувања.

5)      Фокусирајте се на она што можете да го контролирате – Lagat

Lagat никогаш претходно нема трчано полумаратон. Но дали треба да го проучува курсот, нагорнините, надолнините, пунктовите за вода и да го акцентира фокусот на тоа? НЕ воопшто. Тој вели дека курсот неможеме никако да го смениме и не вреди за тоа да трошиме енергија, време и нашиот факус. Фокусирајте се на она што можете да го контролирате.

6)      Трчањето на висок интензитет е многу тешко – Ritz

За Ritz ова ќе биде втора трка оваа сезона и после првата (националниот крос), завршувајќи на втората позиција (позади Chris Derick) само се потсетил дека трчањето на висок интензитет е многу тешко. Но не е поентата да трчате тешко. Поентата е да трчате брзо, а притоа да бидете релаксирани. Трчањето тешко не ви дава екстра поени, односно никој не ви го признава тоа што вие сте трчале тешко. Резултатот се вреднува. На крајот од трката, сите победниците секогаш изгледаат свежи и комфортни, но тоа е така затоа што ја постигнале поставената цел. Прашајте ги како им било на 1км до целта.

Olympics 2000_marathon

7)      Малку(то) може да биде многу – Ritz

Ritz во неговата кариера често се справувал со повреди. 2010/11 година тој имаше страшна сезона на повреди. Неговата главна цел оваа сезона е Бостон маратон во октомври, односно 2 месеца после Светското првенство во Москва. Тој вели дека тие 2 месеца може да бидат клучни за тоа дали ќе изигра паметно за Бостон. Тој вели: фрустрирачки е кога имате позади себе 3-4 месеци силна база и на крај од периодот искрсне некоја повреда. Да се биде малку под оптималната подготвеност е ОК.

8)      Промените може позитивно да имплицираат, но не правете драстични промени и не ги правете многу брзо

Атлетичарите може да имаат бенифит од промени или едноставно да заглават во нив и негативно да се одразат. Ritz пред да тренира со Salazar тренираше со Brad Hudson и што се случи? Неполни 6 месеци по менување на тренерот, стана 6-ти на 10 000м. на Светското првенство, истрча своевремено американски рекорд на 5 000м. (12:56) и со 1:00:00 на полумаратонот во Единбург стана ’бронзен’ и забележа втор резултат во Америка во историјата на полумаратоните. Но за кратко време се повреди. Тој вели дека промените мора да ги дозираме. Добро е кога има промени, но треба да се внимава во колкава мера ги имплементираме. Потребно е да имаме само суптилни промени.

Abdi пак е константен со својот тренер и може да се каже дека тоа е успехот за неговиот долгорочен прогрес. 4 пати во низа Олимпиец е доказ сам по себе.

9)      Како што добиваме на години, брзината е се потешка, на сметка на издржливоста

Lagat своевремено го има истрчано второто најдобро време во историјата на кралската дисциплина – 1500м (3:26:34), но сега неможе да се носи рамо до рамо со најдобрите 1500-метраши во светот. Но тоа не го сфаќа како хендикеп. Напротив се концентрира на подолгите дисциплини, каде доминира издржливоста акумулирана од аеробната база изградена години и години наназад и продолжува да се фокусира на работите кои може да ги контролира. Помирен е со тој природен биолошки феномен и продолжува да ’напаѓа’ на подолгите дистанци.

10)  Биди горд на тоа што го правиш и уживај во работата

Сите професионални атлетичари имаат огромна работа позади себе. Не го заборавајте тоа! Но никогаш не заборавајте да уживате во тоа што го работите. Станувањето рано наутро за да го направите вашиот long run знае да биде многу мачно, но работењето напорно, стремејќи се кон своите цели, изложувањето на телото на нешто што значи болка, е тоа е гордоста на спортистот и го двои од сите останати. Крајниот резултат е нормално производ на макотрпната работа, но никогаш нека не ви биде тоа главен приоротет. Ако мислите дека се е околу резултатот, тогаш го имате сетирано својот мозок слично како некој што се допингува. Abdi вели дека спортот е нешто што треба да се гледа како наша гордост. ’Јас се будам наутро и се чувствувам горд. Тоа ме прави среќен … допингот мами.’ Таму се вреднуваат парите, не гордоста … но до кој момент?

Dathan+Ritzenhein+Ryan+Hall+Marathon+Olympic+ffOERKQPbwfl

Permalink