Sage Canaday – интервју

Подготви: Весна Кираџиева

Sage Canady e победникот на ултра треил трката Terawera, која вчера (16 март) се одржа во Нов Зеланд. Јас ја имав честа, непосредно по неговата победа да разговарам со него и да дознаам нешто повеќе околу подготовките за трките, неговите идни планови и за самата трка… Што тој имаше да ми каже, прочитајте во продолжение…

           endurance.mk: Сеиџ, те знам од Светските првенства во планинско трчање, но следејќи ти ја атлетската кариера, знам дека натпреваруваш и на track & field (стаза), кросеви и улични трки/маратони. Како се навлече на ултра маратоните?

S.C.: Во училиште ги трчав вообичаените дисциплини на 5000м и 10 000м на стаза но всушност никогаш не уживав во вртењето кругови и мојот чекор никогаш не го почувствував лесен на рамната површина. Секогаш сфаќав дека во трчањето планини и кросеви сум многу подобар. Исто така, колку беше подолга делницата, се чинеше дека сум подобар, па заклучив дека трчањето маратони ќе ми биде главен настан. Со текот на времето, после неколку години трчање маратони на улица, решив дека можеби 50км ултра-треил трка ќе ме направи појак тркач. Тоа го пробав во 2012 и ми се чинеше како поприродно трчање. Ја открив мојата љубов кон ридовите и имав добра среќа да бидам во можност да трчам различни стази насекаде во светот. Уличните и трките на стаза ми се чинат досадни сега!

BFbvyuMCcAA07To.jpg large

(photo by: Ultra168)

          endurance.mk: Изминатиов викенд ја трчаше Tarawera Ultra и го освои првото место. Честитам! Ја следев трката активно преку социјалните мрежи и по она што пренесуваа, делуваше дека немаш потешкотии. Ајде, долови ми накратко од твоја перспектива како се одвиваше трката?

S.C.: Terawera 100km беше победа на среќа за мене каде едвај успеав да му избегам на Timothy Olson со 3 минути разлика (на скоро 9 часа трчање). Имав среќа што не трчав вон стазата бидејќи беше добро обележана и волонтерите на освежителните станици завршија одлична работа. Како и да е, бев изненаден колку технички беа некои делови на патеката со корења и нерамен терен. Направив грешка што трчав премногу брзо до пола трка и болно страдав во последните 15км поради моето неадаптирано темпо. Да се биде во Нов Зелад е остварување на сон и сценографијата беше неверојатна… патеките се нешто што не сум видел до сега. Многу бев среќен што бев во можност да бидам дел од тркава!

              endurance.mk: Беше дел од US Olympic Trials Marathon и во 2008 и 2012. Знам дека е прерано за планови, но дали ќе те гледаме и на следниот US Olympic Trials Marathon?

S.C.: Една од моите цели е да се квалификувам за 2016 US Olympic Trials marathon. Ќе треба повторно да трчам под 2:18:00 на маратон, па ќе почнам со обидите во 2014. Ќе ми бидат потребни неколку месеци на посветен уличен тренинг и работа на брзина, па малку сум загрижен како тоа ќе влијае на мојот ултра/планинско трчање/треил распоред.

              endurance.mk: Каде ти е тренинг базата и како ти се одвиваше тренингот овој последен месец на тејперинг, со оглед на фактот дека се подготвуваш за Ултра?

S.C.: Тренирам и живеам во Боулдер, Колорадо. Трчав до 160км неделно за да се подготвам за Tarawera и имав околу 6 недели да се подготвам. Трчав една трка на 100км во јануари во Бандера, Тексас, и ми требаше некое време за да се опоравам од тоа. Обично поминувам околу 2 недели за тејперинг пред ултра трка и ја кратам километражата до 60км неделно.

BFdXWjiCAAAAn_x.jpg large

(photo by: Ultra168 – победниците на Terawera: Ruby Muir и Sage Canadey)

              endurance.mk: Кои ти се следните планови и цели за оваа година? Дали те очекува уште некој Ултра или можеби ќе те видиме на Светското Првенство во планинско трчање во Полска?

S.C.: Некои од моите цели за оваа година вклучуваат обиди за патувања на трки низ планините во Европа. Сакам да се натпреварувам со најдобрите тркачи во светот и сакам да натпреварувам на различни дистанци. На мојот распоред веќе ги имам Speedgoat 50kм и UROC 100km во Америка. Има шанса да трчам повеќе планински трки, но јас навистина повеќе ги сакам ултра треил трките.

endurance.mk: Сеиџ, ти благодарам за одвоеното време. Ти посакувам уште многу победи! 🙂

S.C.: Ти благодарам и тебе и се најдобро во тренингот! 🙂

(видео: Сеиџ Кенедеј на тренинг 2012, во подготовка за неговиот прв ултра)

English Interview

 

Permalink