Jonathan Wyatt – интервју

За оние кои досега не слушнале за Jonathan Wyatt (Јono), да ви го претставам накратко: овој Новозеланѓанец е шесткратен светски првак во планинско трчање, осумкратен шампион во World Mountain Running Grand Prix серијата и Олимписки претставник на Нов Зеланд од Атланта `96. Денеска, соработува со големите спортски брендови како Salomon, Power bar и Suunto и како и секој голем спортист, така и тој, скромен и отворен за разговор. Тој со задоволство прифати да одговори на неколку кратки прашања, специјално за endurance.mk

         endurance.mk: Џоно, ти си дел од Саломон тимот уште од 2007. Кои се активности ти претстојат со овој тим?

J.W.: Здраво, да, така е, имав прекрасна шанса да и се приклучам на оваа одлична компанија и луѓето кои работат таму навистина имаат огромна пасија за outdoor спортови. Треил тимот (the trail running team) е добра група од атлетичари кои едноставно сакаат да бидат во природа и да трчаат треилови. Така што, беше нависитна забавно да им се придружам.

Оваа година очекувам да трчам некои нови трки и сакам да ги пробам новите Urban Trail трки кои се сега многу популарни. Првата за мене ќе биде во Лион.http://www.lyonurbantrail.com/

 

Потоа ќе бидам на друга треил трка наречена The Hermanslauf во Германија, по што ќе следи маратонот на Кинески Ѕид! Азија е растечка област за outdoor спортски активности, па така, тимот на Саломон ќе се обиде да направи повеќе настани токму во оваа област.

Секогаш уживам во моите “домашни“ трки и ова би ги вклучило Grossglocknerberglauf http://www.grossglocknerberglauf.at во Австрија

и Drei Zinnenlauf http://www.dreizinnenlauf.com во северниот дел на Италија.

http://youtu.be/yW5REpG5Z08

Ние имаме и една многу позната трка во Швајцарија наречена Sierre Zinal. Како што можеш да видиш, ова ќе биде многу исполнета година!!

         endurance.mk: Активен си во повеќе спортови: планинско трчање, крос кантри скијање, велосипедизам, улични трки… Тоа што си шесткратен првак во планинско трчање, значи ли дека оваа спортска гранка ти е омилена или едноставно уживаш во планините и активностите кои ги нудат?

J.W.: Мислам дека сакам да ја менувам сценографијата и она што природата има да го понуди. Планините се прекрасни, така што, тоа е најинспиративното место на кое можеш да спортуваш. Ги сакам outdoor спортовите и сакам да пробувам нови и различни работи, па така, забавно ми скијањето, велосипедизмот, планинарење итн, но мојата вештина е трчањето и тоа е моја професија.  Поминав исто така и многу години на улични трки и на патека со трчањето. Како и да е, се чувствував по релаксирано кога започнав со моето Планинско Трчање па така, сметам дека е фантастично да се биде во можност да се има спортски предизвици на така прекрасни места.

 CreditSalomon_DSC_3531

(photo by: Salomon)

       endurance.mk: Дали можеме да очекуваме твој настап на овогодинешното Светско Првенство во планинско трчање кое оваа година ќе се одржи во Полска?

J.W.: Не, одлучив дека Словенија 2010 беше мое последно СП во Планинско трчање. Луѓето на тогашната прес конференција не ме слушаа кога им го кажав ова, но јас не се предомислувам лесно и сум задоволен со она што го направив во планинското трчање, па така, наоѓам повеќе мотивација кога гледам напред, кон нови предизвици, обидувајќи се да не ги повторувам истите работи.

CreditGernotGleisGLEI1416

(photo by: Gernot Gleis)

         endurance.mk: Која е твоја следна трка? Се подготвуваш ли за нешто специјално?

J.W.: Јас сум тркач 50% од моето време, а остатокот, работам за некои од outdoor компаниите како Саломон и Сунто. Ова значи дека не тренирам многу, но уживам кога го имам овој микс од спорт и работа. Моите атлетски подготовки генерално се базична работа за сега, значи, баш сега, ништо посебно.

        endurance.mk: Како изгледа една просечна тренинг недела на Јонатан Вајт?

J.W.: За време на сезона; трка во недела, лесно истрчување во понеделник, пократок, побрз, но аеробен тренинг во вторник, со втор тренинг попладне, како теретана или на велосипед. Во среда правам threshold сесија со долго темпо на угорница (long tempo uphill), но исто така, понекогаш правам неколу пократки повторувања на угорница (repetition hill work). Четврток и петок се флаксибилни заради патувањата до следната трка или обично работам повеќе канцелариска работа во овие денови, па така, тренирам наутро и одржувам флексибилност за тренинзи попладне. Ако се чувствувам добро, повторно тренирам или одам во теретана или на велосипед, но ако сум изморен олабавувам. Сабота, пред трката, само лесно истрчувам на патеката каде е предстојната трка.

VB6W4584

(photo by: Gernot Gleis)

          endurance.mk: Што правиш во слободно време, вон спортските терени?

J.W.: Сакам да одам на пица со мојата партнерка и да читам добра книга, да проверам некоја нова музика и понекогаш да направам некој краток клип или слики за моите facebook страници. Сакам да споделувам во надеж дека ги мотивирам луѓето да се обидат и да уживаат во trail трчањето и да бидат надвор, практикувајќи спорт за забава. Исто така, уживам во возењето, затоа, имам мала спортска кола да ја нагазам наоколу и тоа е за мене вистинска забава!

            endurance.mk: Џоно, ти благодарам за издвоеното време во името на сите посетители на endurance.mk и ти посакувам многу успех! 🙂

J.W.: Ти благодарам и тебе за прашањата и весели треилови! 🙂

me & Jono @WMRC Italy

(photo: јас и Џонатан @WMRC Italy ’12)

ENGLISH INTERVIEW

Permalink