Светско првенство во крос кантри, Полска 2013 (recap)

Предвидувањата горе доле се отстварија. Источно-африканците неприкосновени во сите 4 категегории, но тоа што исто така цврсто го посакував и во исто време претпоставував, е дека некој ќе успее да им ги замрси сметките. Овој пат тоа беше сениорскиот тим на САД. Верувале или не, во екипниот пласман се искачија на сребрениот пиедестал, пред ГОЛЕМАТА атлетска сила Кенија, а после Етиопија.  Ben TRUE, е името кое успеа да влезе во чоколадниот микс на африканци и да го завземе високото 6-то место.

На мое огромно задоволство, на осмата позиција во сениорска трка се најде австралијанецот кој оваа рана сезона постави национален рекорд во полумаратон (1:00:56), Collis Birmingham.

Пред стартот на натпреварувањата имаше негодувања околу стазата и условите на неа. Од таборите на националните тимови имаше недоречености околу правилноста и усогласеност со прописите и пропозициите за организација на Светско првенство во крос. Имено, наместо минимални 400м од стартот до првата кривина, имаше без малку само 100м. Патеката беше со многу кривини, а снегот кој ја покри цела Европа, ги отежна условите уште повеќе. Снег, кал, вода, но тоа што најмногу ги плашеше атлетичарите, пред се заради потенцијални повреди, беше последната нагорнина и надолнина од кругот долг 1950м. Нагорнината и надолнината на овој дел од патеката се користела за скијање и спуст, а овој пат е искористена како оригинален дел на крос патеката во Бидгош.

Имаше многу изненадувања на овој крос кантри собир, но оставам низ резултати и видеа да ги проследите трките и имињата.

Резултати од трката на Сениори и Јуниори.

Јуниорки 4 000м.

Видео

Јуниори 8 000м.

Видео

Сениорки 8 000м.

Видео

Сениори 12 000м.

Видео

Permalink