ПРОМЕНА на стартот на Скопски маратон – ’13-та во вечерен термин!!

Изворно, на вечерашната неофицијална средба со Директорот на Скопски маратон, Кире Синадиновски, дознаваме дека оваа година, стартот на Скопскиот маратон ќе започне во 21:00 часот, наместо како што до сега беше пракса, во 9:00 часот наутро.
Синадиновски не сакаше дополнително да навлегува и да ги образложува причините за оваа неочекувана промена на тајмингот, но се надеваме дека оваа одлука нема да претставува дополнителна пречка за возачите во градот, како и случајните минувачи.
Апелираме до сите учесници во сообраќајот да се воздржат од крстосување низ градот во термин од 21:00-02:00 часот во недела, 12 мај. Истовремено ги замолуваме сите љубители на овој настан, кој веќе прерасна во празник на градот, да се воздржат од турканици, бидејќи се очекува бројот на посетители рапидно да порасне.

И за крај, да ве известиме дека денес (уште малку) е денот на шегата, па си дозволивме мал луксуз да објавиме еден ваков пост 🙂 Априлилили!! 🙂
За сите оние кои не ја разбраа иронијата и сарказмот во погоренаведениот текст, стартот на Скопски маратон останува и понатаму непроменет (09:00ч.), а во однос на посетеноста низ трасата на поминување на трката, слободно доаѓајте во што поголем број. Оваа година ќе биде најубавиот маратон организаиран на овие простори.

Лесни тренинзи на сите спортисти и рекреативци !!

Permalink