Лиса Стублиќ со светско време. 2:25:44 Zurich marathon !!

Се случи во недела, но ќе остане во аналите на историјата и ќе се раскажува уште мноогу години. Настан: Цирих Маратон, личност: Лиса Стублиќ, време: 2:25:44. Хрватската атлетска легенда, со која неодамна endurance.mk имаше чест да направи интервју, во неделата, во Швајцарија направи сензација. 2:25:44, рака на срце е време од кое и најголемите светски елитни маратонки им застанува здивот. А само 1.58 е висока. Една педа човек, а ја дрма светската атлетика.

Што се Лиса направи во неделата? Истрча нов национален рекорд на Хрватска и го подобри претходниот за ЦЕЛИ 5мин. 02сек. (2:30:46); со овој резултат застана највисоко на пиедесталот во Цирих и постави нов рекорд на патеката во Цирих. Во речиси идентични две половини, со премин на полумаратон во време од 1:12:40, веќе имаше повеќе од една минута предност пред ривалката позади неа. Временските услови во швајцарскиот град, биле далеку од идеални, релативно ниски температури, едвај неколку степени над нулата, но ваквите услови за Лиса се покажаа како идеални. Второпласираната украинка Холовченко, ја заврши трката во време од личен рекорд (2:31:10), што само потврдува за каква супериорност на Лиса станува збор.

Lisa_Zurich Marathon

Проблемите за Лиса стигнале а 6км пред целната линија, кога почуствувала големи болки во квадрицепсите и на двете нозе, но продолжила храбро и фокусирано до крајот на трката. Вели: ’вистинската трка запучнува на 7км до крајот и е круцијално да бидете способни да издржите болка во тие моменти’.

Сметам дека ова е само еден почеток на ерата на Стублиќ и дека тука нема да застане со нејзините сензации. Напротив ќе продолжи да им пркоси и на ’најголемите’.
Тимот на endurance.mk искрено и честита и и посакува уште многу светски моќни резултати на нашата пријателка од Хрватска, Лиса.

Permalink