Кои се моите вистински калории пред (полу)маратон?

     Исхраната пред големите натпревари е многу битен фактор, кој подоцна во текот на трката значително ќе влијае на вашиот перформанс и конечно ќе се рефлектира на финалниот резултат. Затоа е добро да имате добар концепт и добро изработени денови пред (полу)маратонската трка во делот на исхраната, за да бидете сигурни дека тоа најмногу ви одговара и да бидете сигурни дека сте доволно добро снабдени со најбитните нутритивни вредности.

     Свесни сме дека ни претстојат пеколни услови пред и за време на Скопскиот Маратон, па тоа што во голема мера внимавам е внесувањето на течности, правилни течности. За целите на надополнување на изгубените електролити (примарно натриум и калиум), секојдневно во текот на денот, особено во текот на тренингот, моите течности се темелат на исотоничните напитоци на ProSport (Јамница). Програмата на ProSport е една моја секојдневна ’лабараториска’ експериментална рутина и преку неа можам да се спознаам со вистинските потреби за моите долготрајни тренинзи, како и за текот на трката. Бидејќи организамот на еден атлетичар, за време на физичката активност губи значителен процент на електролити, потребно е истите да бидат надополнети правовремено и во оптимални количини.

     На две недели пред маратонот, се обидувам да внесам по 3-4 шишиња (750мл) Prosport во текот на денот. Во меѓупериодот во текот не денот, внесувам вода, но тоа е случај после оброк, кога имам реално потреба од вода. Во самиот исотоник, исто така има оптимална количина јаглегхидрати, кои делумно ги задоволуваат дневните потреби. Како референца дека правилно постапувате, погледнете ја вашата урина, која треба да биде прозирна, не не и кристално прозирна. Речиси после секој оброк, внесувам по едно шишенце ProSport, што значи вкупно внесени 170 Kcal, што е приближно една половина од регуларен оброк, а сепак не ме прави ’подуен’.

Prosport

     Многу од луѓето, внесот на јаглехидрати го поистоветуваат со чувството на најаденост. Да имате оптимален внес на јаглехидрати, не значи дека треба да сте ’полни’, односно ваквите сфаќања се темелат на теоријата дека треба да внесете што повеќе јаглехидрати, за да во текот на трката истите се конвертираат во ’гориво’ и ви дадат енергија. Ова е погрешен пристап. Потребно е да имате доволно внесено јаглехидрати, но тоа да биде распоредено на повеќе помали оброци во текот на денот, од една страна и од друга страна, тоа да биде правилен избор на јаглехидрати (прости vs. сложени). Ориз, сералии, компир, паста, се вистинските јаглехидрати. Прости шеќери има и во тортите, колачите, газираните сокови, но тоа се погрешни јаглегхидрати за вас, особено пред трка.

     Скопски маратон почнува во 09:00 часот и моето станување ќе биде во 5:30 тој ден. Откако ќе внесам јаглехидратен оброк и една шоља кафе или приближно 400Kcal (поопширно во следната објава), продолжувам да пијам ProSport, речиси до самиот старт на трката. Не заборавајте: при внесување на вода, ги надополнувате изгубените потребни течности на организмот, но не ги надополнувате и потребните електролити. Водата ќе ве натера да одите во тоалет и пред трката да ги исфрлите и оние електролити што вашето тело ги има. За разлика од водата, исотoничните напитоци многу лесно се апсорбираат во телото, односно потребните клетки.

     Во текот на трката, на секои 15мин. ќе пијам по 100-150мл ProSport. Заради помалите, но почести оброци пред трката, мојот стомак ќе биде доволно празен за да може да ги процесира течности кои ќе ги внесувам, како и да ги искористи калориите и електролитите кои се наоѓаат во овој исотоник.

     Следува објава од Весна Кираџиева, која подетално и потемелно ќе ви ги долови оброците и исхраната на (полу)маратонците во нашата земја.

Permalink