Pre Skopje marathon ’13 интервју @ Backstage, Кираџиев ft. Мартин Next Time

11 мај 2013, на еден ден пред овогодинешниот Скопски маратон, седејќи на кафе со Стефан (вокалот) и Мартин Филиповски, гитаристот од Следен пат (Next Time), добив интересна покана од Мартин, односно екипата на Backstage, преку Мартин, да бидам дел од едно нивно интервју, со тематика Скопски маратон. Односно, да бидам попрецизен, Мартин доби покана да биде дел од интервјуто, но нормално, тој како фер играч и сугерираше на новинарката на Backstage, дека би можело краткото интервју да биде малку подолго и со малку поинтересна содржина, доколку се инсталирам и јас со по некој збор-два за него, нешто за мене и пред се за Скопскиот маратон како иницијална каписла во замав.

Вака така, ‘view-то излезе интересно, скоцкавме по нешто сериозно, нешто на шала, по некој тип, по некој шмек и еве подолу на линкот ќе видите како изгледа постпродукциски компилирано. Акцијата требаше да се однесува како да е снимано после маратонот, но конверзацијата водеше во правец ’идно време’, а и во взаемен договор, решивме дека нема да има сили после маратонот да снимиме вака опуштено интервју. Маратонците знаат зошто (среќа што имам лифт во зградата).

Екипата што гази спортски ве поздравува и ве поканува во колосек. Фатете позиција со време и stay tuned.

Backstage interview_11 05 13

Permalink