Кога Два Endurance Атлетски Ума Ќе Се Најдат На Едно Место, Производот Е Следен (видео_ТВ 24 Вести)

17 12 2013, дел од тимот на endurance.mk, беше дел од емисијата на прекрасната водителка Сања Савеска, на телевизијата 24 Вести. Се работи за емисијата насловена ’За животот’, на која тема беше Атлетиката.
Овој пат се обидовме да дадаме еден поконкретен осврт за атлетиката, за нашата идеологија, за нашите ставови и цели и благодарение на добрата соработка и новинарска подготвеност на водителката, успеавме во 30-тина минути да сублимираме она што во суштина го имавме во мисловна проекција.

Благодарност до водителката за поканата во нејзината емисија и благодарност за телевизијата, која повремено ја промовира атлетиката во нашата земја, преку своите емисии.
Тоа што дефинитивно го констатиравме после емисијата и после многу емисии во кои сме гостувале, на тема атлетика, дефинитивно 30-тина минути се премалку за да го искажеме она што сметаме дека треба да биде кажано за атлетиката. Но и 30 минути за некого се беспотребно изгубено време, па доколку сметате дека сакате да ги одвоите, повелете и погледнете што двајца тренинг партнери, кои целиот свој живот го посветуваат на ’Кралицата’, сакаат да пренесат:

Permalink