Endurance.mk Project – Подобрете Ја Својата Физичка Подготвеност, Тренирајте Со Професионални Инструктори

Endurance.mk Project е тимот кој е официјално ребрендиран во 2014та година. Инаку се работи за атлетскиот клуб ’Безбедност’ од Скопје, истиот оној кој ви ја нуди најмасовната атлетска крос кантри трка, во март месец, на Гази Баба (Gazi Baba XC Challenge). Поставата е истата онаа, која егзистира уште од 1998 година, односно цели 17+ години на атлетската сцена. Таа го знае секој ваш чекор, секоја ваша точна исхрана, секој ваш почеток и напредок, секој ваш резултат.

Доколку сакате да ја подобрите вашата кондиција, физичка подготвеност, да се подготвите за следната ваша цел, (полу)маратон или било каква трка или едноставно сте незадоволни од својата актуелна тежина и сакате да фатите чекор со позитивниот тренд, Endurance.mk Project ви нуди професионална програма и совети, која ќе биде согласна со вашата актуелна подготвеност и цели. Спортот во нашиот тим не е ниту тренд,  ниту ексклузивитет. Спортот е веќе долги години дел од нашето секојдневие и животен стил.

Александар и Весна Кираџиеви се инструкторите кои ќе ви овозможат да ги постигнете вашите цели. Весна е од неодамна и лиценциран атлетски инструктор, документ кој го заработи за време на нејзиниот престој во Словенија, каде и работеше со најдобрите словенски маратонци. Инаку меѓудругото, таа е и троен национален рекордер, во најтешките атлетски дисциплини – 10.000м (стаза: 40:54), Полумаратон (1:27) и Маратон (3:07), како и неофицијално на 10км (улична трка: 41:30). Нејзините резултати говорат за нејзината посветеност, познавања и квалитет во областа на спортот, а особено во маратонското трчање.

Весна и Александар Кираџиеви се актуелни национални прваци во маратон, титули кои ги заработија на Скопскиот маратон во мај, кое воедно беше и државно првенство во маратон. За Весна тоа беше четврта последователна титула и останува како неприкосновенa во (полу)маратонската дисциплина во последните неколку години.

За договарање на отпочнување на термините, број на неделни тренинзи, временски термини, мерење на основни параметри, месечен паричен надомест, локација на тренинзите и сите останати детали, заинтересираните може да се обратат на следниве и-меил адреси:
– vesna.kiradjieva@gmail.com
– akbezbednost@yahoo.com

или да пишат на профилот на AC Endurance.mk – Skopje.

Потрошете го паметно и рационално своето време, посветете се на своето тело и организам, затоа што тоа е најмалку што заслужувате.
Лесни тренинзи!

Весна

Permalink