Светско Младинско Првенство, Eugene, Oregon, Па Старт На Commonwealth Игрите И Нови Атлетски Возбудувања

И додека Светското Првенство за младинци во ‘The track town’ – Eugene, Oregon е во тек, вчера во Glazgow, Ireland започнаа Commonwealth игрите. А таму не очекуваат големи атлетски возбудувања. Податок кој не сум го знаел никогаш, а е поврзан со Commonwealth игрите, е тоа дека на овие игри учествуваат ОГРОМЕН број од земјите во светот. Оваа година ќе учествува цела 71 држава и територии, со преку 2 милијарди население во овие земји. Бројка на учесници што ако не се лажам е втора после земјите учеснички на Олимписки игри (~200 последните 3 Олимпијади). Од секогаш сум мислел дека оваа Commonewealth заедница или фамилија слободно кажано, ја чинат 20тина земји. Незнам баш какво заедничко богатство (common-wealth) имаат сите овие 71 земја, но сигурен сум дека ќе има одлична претстава на атлетскиот тартан.

Атлетските натпревари започнуваат во недела. Во прилог ви ја оставаме агендата на атлетски дисциплини:
http://results.glasgow2014.com/dailyschedule.html?day=all&sport=AT

Звездите кои ќе привлечат најмногу внимание и кои со нетрпение чекаме да видиме во какво изнадие ќе се покажат, се следниве:
Commonwealth

Особено не интересира како ќе се однесува Mo Farah на овие игри. Тој после неговиот деби маратон во Лондон, имаше само една трка на 5000м. На истата победи, со релативно слаб резултат, но сепак достоен (околу 13:2*), што секако е билдање самодоверба колку-толку.

Вториот на карикатурата е новозеланѓанецот Nick Willis. Тој допрво, на 31 година руши рекорди. Оваа година сруши цели 3 национални рекорди. Едниот во Јуни на 1 миља, каде ја сруши бариерата од 3:50, за да недела дена после оваа трка истрча нов рекорд на 3000м (7:36.91). На овие трки претходеше одлична трка на 5000м, во Мај месец (13:20) и тоа беше само една голема најава за резултатот кој пред една недела го истрча на 1500м. Го собори својот стар рекорд во оваа дисциплина за 0.44 секунди, на истата патека во Монако, пред 2 години. Овој пат резултатот гласеше 3:29.92, што е за прв пат резултат под магичната граница од 3:30 истрчан од еден новозеланѓанец.

И третиот лик на карикатурата, е исто така новозеланѓанка. Среќа што не е од Брегот на Слоновата Коска, затоа што немаше да знам како претставник на која земја да ја најавам. Се работи за Valerie Adams. Таа е неприкосновена во дисиплината ѓуле веќе не паметам колку сезони наназад. Оставаме коментар на оние на кои им е интересна оваа дисциплина.

Логото на овие игри е многу слично на она на Галатасарај, незнам зошто, но како и да е, остануваме будно да ги следиме резултатите на атлетичарите во Глазгов и благовремено ве известуваме.

Permalink