Домашно млеко од бадеми

Веројатно сте налетане на повеќе статии каде ви препорачуваат млеко од бадеми, особено како добар рикавери после тренинг. И веројтно повеќето од вас го тргате од списокот за набавки од старт, прво зашто претпоставувате дека е скапо, второ, немате поим каде и дали воопшто се продава кај нас. Искрено, ни јас немам поим. Затоа тука ви давам наааједноствна идеја како за 5 минути да си направите домашно и ефтино млеко од бадеми. Сериозно, 5 минути!

Прво, оставете ги бадемите во вода да отстојат околу 12 часа за да омекнат, за да бидат полесни за блендирање. Плус, повеќе ќе им се истакне вкусот на овој начин.

1

Следно, откако ќе отстојат, исцедете ги и префрлете ги во блендер. Не е важна количината на бадеми која ќе ја користите, се додека соодносот со водата е 3:1 (3 за вода, 1 за бадеми). Ако сте ставиле еден мал филџан бадеми, во блендерот со нив додадете уште три филџани вода.3

Блендирајте 1-2 минути.4

На крај, низ тенка цедалка, процедете за да се заджат сите лушпи и покрупни делчиња од бадемите кои не можат да се избледираат.5

*Совет плус: остатоците не ги фрлајте. Префрлете ги во кесичка за замзнување и замрзнете ги. Подоцна може да ги користите во колачи и торти, секаде каде што, на пример може да се додадат мелени ореви. Бадемите ќе му дадат специфичен вкус на колачот 😉5.1

Процеденото бадемово млеко, префрлето го во соодветно шише и чувајте го добро затворено во фрижидер до 2-3 дена или замрзнете го доколку не го користите веднаш.6

Можете да го користите за кафе или чај или за шејкови. Тука може да го видите мојот предлог за шејк со урми и цимет.7

 

 

Permalink