Домашно Брашно Од Овес (Овесни Снегулки)

блендирање на овесните снегулки

блендирање на овесните снегулки

Овесот е високо препорачлив во секојдневната исхрана. Го намалува холестеролот, најбогат е со растителни влакна во споредба со другите зрнести плодови, што значи го успорува варењето и ви дава чувство на ситост подолго време. Исклучително е богат и со заситени, здрави масти, дури 6,9гр на 100гр овес и протеини со дури 16,9гр на 100гр. Но, богат е и со минерали како калциум, магнезиум и осбено важно за нас трчачите, железо (5гр/100гр).

Но, овесните снегулки, како и секоја друга здрава храна, барем за мој вкус се ужасни. Па секако, си наоѓам начин како да ги вметнам “тајно“ во исхраната. Знаете, онака како кога лажете мали деца да јадат моркови и брокула.

Така, најдобро решение ми беше да ги консумирам овесните снегулки е како брашно. Но брашното од овес најчесто е 3-4пати  поскапо од овесните снегулки, па си најдов начин да си го правам дома. Среќа, си имам едно миксерче кое е наменето за мелење на јаткасти плодови, кафе и слично, па решив да видам дали ќе ми успее и со ова. И ми успеа. Па ете, ве советувам, доколку технички сте во можност, направете го и вие. Одзема само 2-5 минути.

Брашно од Овес (овесни снегулки)

Брашно од Овес (овесни снегулки)

На крај, складирајте го во сув сад, тегла  или пластично кутиче и ќе имате подготвено за подолго време (во зависност колку ќе сомелете).

Јас го додавам во појадок, со млако, какао и сушено овошје, или во смути, или како замена за обично брашно, како на пример за палачинки, домашно лебче и сл. (ако готвите со него, мора да знаете дека е погусто од обичното брашно, бидете внимателни и експериментирајте за да добиете смеса каква што сакате).

На ист начин може да го сомелете и користите и лененото семе.

Permalink