Тимот на endurance.mk на Скопски маратон

Не сме многу, не сепак не има доволно. Запознајте ја екипата на endurance.mk која годинава ќе настапи на Скопски маратон.

Tim endurance.mk @ Skopje marathon 2016

Team endurance.mk @ Skopje marathon 2016

Полумаратон:

Душица Андонова.

dusica

Душица Андонова

Доколку оваа девојка ви изгледа познато тоа е поради повеќе од една причина. За вас најблиску, таа е кавер девојката девојката на овогодинешниот Скопски Маратон. Но, исто така може да ја видите и како модел по модните списанија. Веќе дел од нашиот тим уште од Скопски маратон 2014, кога под инструкции на нашиот тим го истрча својот деби полумаратон со 2:06. Оваа година е подготвена за подобрување на ова време, прашање е само за колку минути ќе и успее тоа и дали ќе и тргне од река да оди и под 2 часа?

 

Стефан Филиповски.

stefce

Стефан (фото лево). Мартин и Стефан Next Time (фото десно)

Веќе добро ви е познат вокалот на најпопуларното дуо Next Time, како пријател на endurance.mk. Тој имаше тешка сезона по неколку месечна повреда на препоната по еден фудбалски меч. Но, сепак смогна сили да настапи на Скопски маратон и тоа ни повеќе ни помалку, на полу маратон. Храбро! Вели дека единствена цел оваа година му е да ја финишира трката здрав и без повреда, во надеж дека ќе ја врати кондицијата за да се врати на неговиот омилен спорт – фудбалот, како и сценските настапи пред својата публика.

11015794_10153393287291435_7973249891739388822_n

Грегор заедно со неговата сестра на маратонот во Ротердам

Грегор Пановски.

Грегор е наш маратонски пријател кој работи и делува на просторот на Холандија. Секогаш мотивиран за нов маратон. Овој пат ќе оди “само“ полу, бидејќи неодамна го заврши маратонот во Ротердам.

 

Victor Garcia.

(од десно кон лево) Александар, Виктор, Кираџиев, Величе, Весна

(од десно кон лево) Александар, Виктор, Кираџиев, Величе, Весна

Најнов пријател во тимот и гостин кој ни доаѓа од Шпанија. Можеби веќе сте го забележале на кеј или на Арена Филип II бидејќи е моментално единствен во Македонија кој се занимава со брзо одење. Во недела оди полумартон (оди – во буквална и фигуративна смисла J)

 

Да преминеме на МАРАТОН, да почнеме со маратонките:

Две девојки ќе дебитираат во оваа света дисциплина, токму на Скопски маратон. Со ред.

Славица Дамјанска

Славица Дамјанска

Славица (Цаци) Дамјанска а.к.а. Сингерица.

Доколку и овој лик ви е познат, тогаш тоа е затоа што таа е втората кавер девојка на овогодинешниот Скопски маратон. Таа е искусна што се однесува до трките на полумаратон, па дури и има интернационално CV. Сепак, таа за првпат смогнува храброст да оди на цел маратон, што е потег за поздрав и восхит.

 

Елена (Величе) Величковска.

Цаци и Величе на трка

Цаци и Величе на трка

Кога сме кај дебитантките во маратон, еве уште една девојка во низата. Неофицијален член на нашиот тим endurance.mk и огромно задоволство што е дел од овој тим. Исто како и Цаци, и Величе има интернационално CV и е искусна полумаратонка. Овој пат храбро оди кон целната линија на маратон. Овие две девојки се две од вкупно седум Македонки кои имаа храброст да се пријават на маратон оваа година. Третата во тимот сум јас.

 

Весна Кираџиева

Весна Кираџиева

Весна Кираџиева.

Се надевам дека ме знаете до сега, но сепак да се претставам. Ова не ми е прв маратон, не знам кој ми е по ред, не ги бројам одамна. Сеуште актуелна рекордерка и шампионка на оваа дисциплина со 3часа и 07 минути. Оваа година со појачана кокуренција. Сепак горда на нашиот тим девојки: 3 од 7, тоа се добри 43%, безмалку пола од маратонките се endurance.mk. Газете до крај женски!

 

 

Крај маратонците:

Александар (Сикситинајн, а.к.а. 69) Димитровски.

Искусен дечко, има веќе еден маратон зад него, па во надеж дека овој пат ќе ја преброди агонијата која ја носи маратонот полесно од последниот маратон кој го истрча во Љубљана.

Смилков и Димитриев

Смилков и Димитровски

Александар (Смиле) Смилков.

Газда Смиле иако периодов е повеќе насочен кон неговиот растечки бизнис со фитнес центарот Empire State Building, сепак најде време и сили да се подготви за уште едно издание на Скопски Маратон. Овој пат неговата замисла е да им даде подршка на девјките од нашиот тим кои ќе дебитираат на маратон, а никој не е подобар во тоа од Смилков.

 

Кираџиев

Кираџиев

Александар Кираџиев.

Верувам дека и Александар веќе ви е познат, но за поновите – тој е првак (или шампион што би рекле некои таму) во оваа света дисциплина МАРАТОН, има време од 2часа 38минути и очекуваме барем 2 минути појак резултат од овој на овогодинешниот Скопски Маратон. А според сите параметри од она што досега го покажа оваа сезона на трките на полумаратон и 10.000метри, показателот е на време 2:36. Секако дека ова е маратон и се може да се случи, пред се временските услови се голем фактор. Но, Александар освен што таргетира на подобар резултат, оди и на повисока позиција, па едно од овие две би требало да му тргне од рака.

 

Рекреативна Трка на 5км

Велнтина Петрушевска на трката Gazi Baba XC Challenge

Велнтина Петрушевска на трката Gazi Baba XC Challenge

Валентина Петрушевска.

Да, имаме и тука еден претставник. Повеќето ќе речете дека ова е дисциплина за рекреативци, но Вале тоа и е. Мајка на две деца и жена за почит, која покрај секојдневните обврски наоѓа време да биде активна физички, да биде позитивен пример за своите деца, но и за другите жени кои се во нејзина позиција, но некако секогаш наоѓаат изговор да не бидат физички актвни.

 

12963947_10208827527864025_4159796553504498205_nИван Цветановски и Наде Качакова се нашите најнови членови, кои иако ги нема во официјалната стартна листа под името на тимот endurance.mk сепак ги сметаме за наши драги членови. И двајцата ќе настапат на полумаратонската трка, а за Наде тоа значи и деби полумаратон. Иван има малку повеќе искуство и време од 1:38, но и за него се надеваме дека ќе може да спушти некои 4-5 минути од ова време, со паметна и резервирана трка.

До сите останати, од името на тимот endurance.mk ви посакуваме лесна трка, многу насмевки и задоволни лица во финишот!

 

 

Permalink