5 Врсти Храна Кои Е Пожелно Да Се Избегнуваат Пред Трчање

Како што и сме напоменале мал милион пати претходно, секој организам е различен, индивидуален и сам за себе. Но постојат некои врсти храна, која е потврдено преку многубројни истражувања, дека му пречи на организмот при трчање и дека создава дискомфорт во абдоменот. Како и секоја добро-подмачкана машина, која работи перфектно, така и човековиот организам мора добро да го сетираме за да имаме добар тренинг или подобро кажано – фино благопријатно чувство за време на тренингот.
Начелно, она што со еден збор може да се нарече, а што би требало да го избегнуваме пред тренингот, е протеинска исхрана. Знаеме дека протеинот се градбени блокови на мускулите и тие се користат за побрза регенерација на оштетените ткива по тренинзите. Но никако пред тренинзите.

eggs

Јајца
Тие се верувале или не, храна најбогата со протеини. Јајцата се одличен извор на протеин, но тоа не значи дека треба да се внесат пред тренингот. Избегнувајте ги во било каква варијатна, а за оние премалку толерантните, избегнувајте ги дури и со потпечени макарони. Знаат сериозен дискомфорт да му нанесат на абдоменот. Се манифестира со тежина, со нагон на подригнување и едноставно знае многу лесно да ни го измести тренингот.

salad

Зелени растенија
Односно зеленчук во форма на салата. Ние ја нарекуваме марула, а тука спаѓа и брокулата, кељ, спанаќ. Оваа храна е богата со висока концентрација на влакна и може многу лесно, при првите чекори на тренинг, да ни создаде убиство на стомакот. Се создаваат гасови, се чувствува надуеност во стомакот, исто така подригнување и сл. Постојат некои други алтернативни начини на комбинирање на зеленчукот, со некој видови на овошје, вода и слични комбинаторики, па експериментирајте и пронајдете ја вашата формула.

tuna fish

Риба
Исто така високо протеинска храна, која и е потребно безмалку цел ден за да се свари во организмот. Од неа нема да имате апсолутно никаков бенифит пред тренинг, а ќе почуствуваат огромна тежина. Особено ако сте јаделе свежа риба и кожата од неа. Но истото се однесува и на туна. Лично, јас кога сум ги правел овие грешки, сум јадел туна утрото на работа околу 9-9ипол, а на тренинг сум одел околу 18-19ч и сум очекувал дека при толку голем период, храната веќе би требало да се свари и да не претставува никаков проблем при тренингот. Не! Огромни мачнини ме снаоѓале на тренинг.

legures

Мешункасти плодови и јаткасти плодови
Во таа смисла: грав, леќа, грашок, боранија итн. итн. Се е ова високо протеинска храна, која создава многу гасови и му прави дискомфорт на абдоменот, при дигестија на храната. Исто така оваа храна може да доведе и до редуцирање на консумпцијата на кислород. Едноставно пробајте и ќе дознаете. Нема ништо страшно да ви се случи, туку само може да барате што побрзо и поблиску грмушка, некаде во паркот.
Јаткасти плодови, како сончоглед, семки, кикирики, пченка и слично, знаат понекогаш да бидат со додадени масла, кои самите по себе предизвикуваат мачнини. Но и да не е така, создаваат подуеност. И една рака кикирики, може да ви го наруши комфортот при трчање.

Protein-Bar

Протеински барови
Кому му требаат протеински барови, ако може да внесе бар на хидратна основа? Забележете на обвивката бар кај кој пишува приближно еднаков сооднос на јаглехидрати и масти и тоа е нешто што можете да го внесете пред тренинг од палетата на барови. И друга работа: немојте да паѓате на маркетиншки финти. Се додека тоа што го јадете нема вкус на риба, пилешко, јајца, а има вкус на чоколадо и колачиња, тогаш секако дека тоа се презасладени барчиња на кои пишува дека се протеински.

Permalink