Доза Инспирација – Легендарниот Ed Whitlock, Со Нов Светски Рекорд Во Категорија 85-89!

Секако дека дел од луѓето уште имаат еден тон оправданија за тоа зошто не се занимаваат со спорт. Ed Whitlock е човекот кој им се смее во лице на таквите. Тој е човекот кој често го гледаме на насловните страници на светски познатите магазини за трчање. Тој е човекот кој моментално има 85 години.

Ed изминатиов викенд трчаше на Торонто Маратон. Таму успеа да го прегази Светскиот Рекорд во неговата староста категорија, односно претходниот СР 4:34:55, го замени со 3:56:39. Ed уште вели и дека атакувал на повисок резултат, некаде околу 3:50, но ритамот во втората половина му паднал. Неговите половини изгледаат вака: 1:54:34 и 2:02:05. Тоој е инаку единствениот човек кој на 70 години има истрчано Маратон под 3 часа, а сега е всушност првиот човек што ја срушил бариерата од 4 часа, на 85 години. На 80 години има истрчано 3:15:54 Маратон.

Ок, вака изгледа како да е дури и слаб резултат, па некој ќе рече и резултат што со лесен ритам може да се помине дистанцата од 42км. Прво, можат да коментираат и воопшто да даваат судови само оние луѓе кои истрчале Маратон. И второ, замислете си 85-годишен старец од Македонија, какви муабети прави со нас. Муабети за апчиња, бастуми, кичми, колена, и разно разни потешкотии. Тоа е разликата помеѓу активна машина и просечен старец.

Ed инаку има поставено цели 7 Светски Рекорди во неговата старосна категорија, а еве како изгледаат:

1) 1500m (сала) – 6:38.87
2) 1 миља – 7:18.55
3) 3000m (сала) – 13:41.96
4) 5Kм – 24:03.99
5) 10Kм – 51:07.53
6) Полумаратон – 1:50:47
7) Маратон – 3:56:33

Ако сеуште имате доволно оправданија и алибија, ве разбирам. Човеков е пензионер и има повеќе слободно време од вас. Така е.

Permalink