Како Всушност Функционираат Агресивните Велнес Компании И Нивните Производи, За Да Ви Го Измамат Организмот И Испразнат Џебот?

Секако дека право на сопствен избор има секој, но endurance.mk како долгогодишни спортисти и спортски работници, веќе експерти на оваа тематика, се чувствуваме должни да ви ја прикажеме реалната слика околу оваа мега велнес машинерија, која е последниот бран од криминалните активности во светот на исхраната, а која се поагресивно напаѓа и пенетрира меѓу популацијата.

Многумина ќе речат дека се на иста линија на криминалци од светот на организираниот криминал. И во право се. Таква една огромна криминална активност врши една светска компанија, добропозната за сите нас – Хербалајф. Како луѓе кои вистински го сакаме спортот, Трчањето и пред сме поборници за здрав начин на живот, го сметаме ова како една наша голема обврска да им предочиме на сите кои ќе прочитаат. Не се работи само за фрлени пари во воздух. Се работи за низа негативни консеквенции и импликации по нашиот организмот, но и негативни консеквенции по генерациите после нас. Не се работи само за агресивноста на продавачите. Се работи за нашето здравје. Долго време го дискутираме ова со разно разни луѓе. Многумина од нив сметаат дека имаме нешто лично против агресивните продавачи и грешат. Немаме ништо плус, ниту ништо минус од таквите. Немаме апсолутно никаков бенифит од ниту една друга компанија која би значела конкуренција за наведената. Но имаме против нивните криминални активности. Не е еднаш, многу пати веќе излегуваат во јавност информации дека се фатени нивните злодела и дека се обрзани на обештетување од милионски цифри.

Како всушност функционира оваа компанија и како ги протураат нивните производи?
Или подобро кажано која е нивната таргет група? Оваа компанија функционира како класична секта. Еве и зошто: секташките организации бараат ранливи категории. Бараат луѓе на кои им се случила некоја несреќа, луѓе кои имаат финансиски проблеми и колапс или пак фамилијарни проблеми, смрт и слично. Оваа компанија како ранлива категорија ги има оние луѓе кои сметаат дека имаат и реално имаат вишок килограми, но трудејќи се да дојдат до нормална килажа, не успеваат во тоа. Тука настапуваат ваквите компаниии, кои ветуваат излез од нивната криза, кои своите производи ги ставаат во секаква категорија, производи кои лечат се, слабеат гојазитни луѓе, им расте коса на гологлави, ја појачува крвната слика, па дури е и до таму стигнато безобразието што тврдат дека лечи и женски проблеми, регулира менструален циклус и ја елиминира стерилноста.
Меѓудругото, сме биле и ние сведоци на вакви секташки обиди и тоа во моменти кога сме се соочувале со спортски повреди или пак со спортска анемија. Се тоа ни било прикажано дека може да го излечат нивните производи. Каков безобразлук!

Како функционираат нивните прашаци, шејкови, чаеви и велнес плочки?
Хербалајф храната е кратко, јасно, прецизно и концизно кажано – хипокалорична храна. Што значи тоа? Тоа е храна со минимален лимитиран број на калории. Тоа е храна без храна. Односно вие внесувате нешто што всушност го залажува вашиот организам дека сте внеле оброк, а сте внеле воздух. Работите сте многу едноставни, прочитајте на кутијата. Внесувате на пример 100kcal, а претходно сте внесувале по 700-800kcal па и повеќе, јадејќи буреци, пецива, брза храна и слично. Всушност вие гладувате, не? Гладувате, а притоа не знаете дека гладувате. Па нормално е дека на таков начин ќе ги симнете вишокот килограми. И на крајот од денот ќе речете: па ја постигнав целта што ја сакав – симнав килажа. Да, но сте го направиле тоа фрлајќи 100-150 евра најмалку месечно. Еве ви начин како тоа да го направите за 200-300 денари. Одите во локален супермаркет  купете си себеси зелен чај и чајни колачиња и јадете го само тоа еден месец. Ќе го постигнете истиот ефект за скоро ич пари. Зошто да ги полниме џебовите на криминални организации кои не ни мислат добро нам, а ниту на нашите деца?

Извештаи кои потврдуваат дека ваквата храна доведува до сериозни заболувања
За да не звучи дека зборуваме паушално и со доза на омраза, затоа што омраза не постои, но имаме гнев заради тоа што го гази светот и здравата популација, еве во прилог Извештаи од референтни медицински клиники и Институти, кои даваат преглед и осврт на лица корисници на производите на Хербалајф, кај кои се констатирани несакани ефекти (side effects). Во нив точно ќе забележите на какви заболувања се изложени корисниците (консументите) на ваквите производи и какви негативни импликации и компликации придонеле ваквите производи. Овие извештаи не би можеле да ги најдете низ секојдневните портали или социјални мрежи, па се потрудивме за вас да ги испорачаме, со цел да ги поткрепиме и формално. Сите вие сте слушнале и за ГМО (генетски модифицирана храна). Па зошто при здрав разум би си го довеле вашиот живот и животот на вашите деца во опасност?

Извештаите во прилог:
bern-switzerland
berne-switzerland
jerusalem-israel

Познатите светски спортисти, заштитни лица на Хербалајф
Луѓето се отсликуваат на веќе докажаните спортисти, тоа е точно. Токму таквиот ефект и го злоупотребуваат компаниите како Хербалајф. Ги користат светски познатите спортисти, за да ги протурат своите производи. Уверуваат дека со таквиот начин на исхрана, спортистот ги постигнал тие врвни резултати. Имавме прилика лично да го запознаеме Маратонецот од светска класа, неодамнешен, веќе поранешен Светски рекордер во Маратон, Вилсон Кипсанг од Кенија. И тој е искористен за реклама на оваа компанија. Кога го запрашавме што мисли за таа храна, прво одби да коментира, а подоцна меѓу редови кажа дека е многу платен и мора да си ја одигра рољата. Такви се и низа други светски спортисти, кои за жал, според нашето мислење, се однесуваат неетички и неморално, па дозволуваат ваквите компании со огромен извесен надомест да го користат нивното име и резултати, со цел измама на масата луѓе и мега продажба на нивните производи.

Па се запрашуваме: што не влече да чекориме по нездравиот пат? Маркетиншката инфлуенца? Зарем толку лесно потпаѓаме под ефтини маркетингшки трикови? Дали навистина е толку тешко да спортуваме и водиме здрав живот, па го бараме пократкиот пат? Како овие производи го афектираат нашето здравје?

Permalink