Најголемите Светски Имиња Во Маратон – Eliud Kipchoge и Kenenisa Bekele, Најверојатно Нема Да Ги Видиме Во Лондон, Заради Најглупавиот Можен Проект На Најк За Sub2 Часа Маратон

Да бидам јасен и да повторам уште еднаш, по милионити пат: МАРАТОН ПОД 2 ЧАСА НЕМА ДА СЕ СЛУЧИ ВО 2017, НЕМА ДА СЕ СЛУЧИ НИ ВО НАРЕДНИ 5 ГОДИНИ, НЕМА ДА СЕ СЛУЧИ НИКОГАШ! Тоа е мојот изричит став и мислење и без разлика дали се согласувате или не, погледнете што се планира на светската маратонска сцена.

Во пресрет на еден од најголемите, а најверојатно и најочекуван Маратон во светот – Лондон Маратон, се очекуваше да биде Маратон на кој ќе падне светскиот рекорд (скоро сигурно) и на кој ќе ги имаме 3те (4) НАЈГОЛЕМИ светски имиња, на сите времиња. Занчи трка во која до сега ниту еднаш во историјата не се сретнале директно сите 4 најдобри Маратонци на сите времиња. Вака звучат нивните успеси од поново време (години наназад тие се сите со успеси за листа без крај):
Eliud Kipchoge – прогласен за најдобар Маратонец за 2015 и 2016 година, Олимписки Шампион во Маратон од ЛОИ Рио и 2:03:05 маратонец, од овогодишниот Лондон Маратон;
Kenenisa Bekele – Светски Рекордер на 5000м и 10.000м, 2:03:05 маратонец од овогодинешниот Берлин Маратон;
Wilson Kipsang – поранешен Светски рекордер (2013год. – 2:03:23), оваа година во Берлин – 2:03:13 и
Dennis Kimmeto – под знак прашалник, затоа што е сеуште актуелен Светски рекордер (2:02:57), но неговите последни настапи се релативно далеку од овој резултат.

eliud-kipchoge_0

Зошто најверојатно нема да ги сретнеме овие имиња на едно место, на Лондон Маратон во Април?
Лондон Маратон е спонзориран од големиот спортски бренд, Адидас. Неговиот најголем и најлут ривал, Најк, за да ја расипе забавата, измисли во меѓувреме еден исклучително глупав проект, наречен Breaking 2, со цел да го расипе шоуто во Лондон и да оневозможи нивниот најлут ривал Адидас да ги собере на едно место најголемите Маратонци на сите времиња.

За тоа зошто сметам дека никогаш нема да се случи Маратон под 2 часа, нема да се повторувам, туку можете да се потсетите од темелно елаборираниот пост кој го напишав пред околу 2 години. Овој таканаречен проект на Најк предизвика голем број негодувања кај високи стручњаци во областа на Атлетиката, во светски рамки. Еден од таквите ликови е и можеби најпознатиот и најпризнатиот тренер на низа Олимпијци, Олимписки и Светски Шампиони, Светски Рекордери, италијанецот Renato Canova. Тој меѓудругото, ја даде следната изјава: потребно е да знаеме која е крајната цел на овој т.н. проект. Ако е само колку да се истрча Маратон под 2 часа, тогаш овие тројца атлетичари (Eliud Kipchoge, Lelisa Desisa и/или Zersenаy Tadese), за неколку години и подобрување на уште повеќе на својата актуелна форма (голем знак прашање), во услови кои се косат со скоро сите поставени правила на IAAF и AIMS, на point-to-point стаза, со ветар во грб, по надолнина, со движење на возило или велосипед/мотор покрај нив, за да им додава во движење потребни флуиди/гелови, масовна употреба на тежок допинг  и со уште мал милион прекршени правила на ’играта’, тогаш можно е и да се сруши оваа бариера. Но ако е крајната цел во нормални дозволени преддефинирани услови да се сруши оваа бариера, тогаш тоа нема да се случи НИКОГАШ!’

Затоа што не се работи само за симнување на цели 2мин и 58 секунди од актуелниот Светски Рекорд. Туку се работи за симнување на отприлика 4.15 секунди на секој километар! Дали мислите дека на ритам од 2:55 по километар во просек, дека е толку едноставно да се симне на 2:51 по километар во просек?!

Еве сосем кратко био на Маратонците кои погоре ги напоменав, како дел од проектот:
Eiud Kipchoge:
Земја: Kenya
Возраст: 32
Најдобри постигнувања: 12:46 (5,000m), 26:49 (10,000m), 59:25 (Полу-маратон), 2:03:05 (Маратон)

  • Zersenаy Tadese:
    Земја: Eritrea
    Возраст: 34
    Најдобри постигнувања: 12:59 (5,000m), 26:37 (10,000m), 58:23 (Полу-маратон), 2:10:41 (Маратон)
  • Lelisa Desisa:
    Земја: Ethiopia
    Возраст: 26
    Најдобри постигнувања: 13:22 (5,000m), 27:11 (10,000m), 59:30 (half-marathon), 2:04:45 (marathon)

Вака на хартија, сите тројца делуваат како огромен потенцијал за под-2 часа Маратон. Но колку реално се блиску до рушење на оваа вонсериска бариера?
Eliud Kipchoge е вонсериски Маратонец. За него велат дека што и да постигнал во кариерата, префрлањето на Маратоните му е вистинската одлука. Тука тој има најдобра механика, најекономични движења и не случајно е на самиот врв веќе две години со ред. Но колку може тој да симне од 2:03:05 до 1:59:59?
Zersenay Tadese е Светски Рекордер во Полумаратон. Но Маратон има истрчано само 2:10:40 и 2-3 нефиниширани Маратона. Не е потребно дополнително објаснување.
Lelisa Desisa е двоен победник на Бостон Маратон, но резултатот 2:04:45 го има истрчано дури во 2013 година. Колку неговата актуелна форма е блиску до 1:59:59?

Зарем ова не се доволни индикатори дека Најк се обидува да направи некаков си измислен проект, со Маратонци кои ги има под капата на Најк, само за да би предизвикале јавно внимание, реклама и да би присвоиле симпатии?
На крајот од денот ќе се запрашаме: за што постои спортот? За да го силуваме и со сила да ги менуваме правилата, за на крајот да профитира некоја компанија на сметка на останатата популација која недоволно ги познава правилата на ’играта’?
Каде се и другите најдобри светски маратонски имиња во овој проект? Каде е Wislon Kipsang, Emannuel Mutai, Dennis Kimetto? Или тие се спонзорирани од другиот гигант, па немаат пас за во овој проект?
Renato Canova рече: ова не е Атлетика. За жал.

Permalink