Usain Bolt Е Рангиран Како 32-ри На Листата На Најплатени Спортисти

Верувам дека многумина не ни верувале, а не ни помислиле дека еден атлетичар може да замеша прсти во листата на спортистите гиганти. Најмногу тргнувајќи од помислата дека ’Атлетиката слабо котира’, Атлетиката не е толку ценета во светот’, ’Атлетиката е далеку од другите спортови’. Секако дека од аспект на нашево општество, со најголем дел од спортските новинари примитивци, кладионичари кои подалеку од фудбал, кошарка и ракомет и не знаат, кои се главни виновници што Атлетиката не може да излезе на површина и да добие на публицитет во оваа земја и да го доживее сјајот кој и припаѓа како Кралица на спортовите (рака на исклучоците кои се кадарни во спортот), така е и логично да се размислува. Но оддамна убедувам дека не е така во нормалниот спортски свет и дека верувале или не, Usain Bolt е во топ 40 најплатени спортисти во светот.

Од време на време, знам да го ѕирнам Forbes и да видам каде е Атлетиката. Во последниве неколку години, Bolt бил секогаш во топ 40 на листата на најплатени спортисти. Неговата транспарентна годишна заработувачка тежи 32 милиони долари! Тоа во плата значи $2.5 милиони и $30 милиони од спонзори.

Интересно е да се напомене дека првите спортисти на листата, имаат далеку поголема плата, одошто заработувачка од спонзори. На пример, највисоко на листата е портигалскиот фудбалер, кој игра за Реал Мадрид, Cristiano Ronaldo. Тој има вкупна годишна заработувачка од $88 милиони, од кои $56 милиони од плати и $32 милиони од спонзори. Но сепак, различните спортови, различно функционираат во овој поглед.

Како и да е, иако не се наши, сепак задоволство е да се види како еден спортист од нашиот спорт, цврсто им пркоси на најголемите светски спортисти. Имав сретнато едно одлично интервју од Michael Johnson, но уште пред 4-5 години. Беше со тематика ’дали се заработува многу од Атлетика?’. Ќе се обидам да го најдам и да го преведам на македонски. Да забележите што тој кажува и колку голем комфорт и луксуз уживал додека бил на врвот.

Permalink