Нов Национален Рекорд На 3000м (сала) – Дарио Ивановски!

Детето што уште минатата година најави голема резултатска револуција и конечно – размрдување на нашите децениски стари резултати, еве го, ја стартува 2017та во полн сјај. Дарио Ивановски минатата година, на оваа иста дистанца успеа да истрча ’само’ 8:43 и да направи еден добар резултатски break, после долги години, да влезе длабоко под границата од 9минути или врзување на 3 илјадарки под 3мин.

Тој минатата вечер, во новоотворената атлетска сала, во главниот град на Србија, Белград, истрча резултат што Македонија никогаш не го имала. Направи одличен старт на 2017 година со нов Национален Рекорд, кој сега гласи 8:28:59! Тоа е за цели 8 секунди подобро од претходниот резултат на веќе поранешниот рекордер, Трпе Мартиновски, рекорд стар 27 години, истрчан на стазата во Софиjа.

Да разгледаме каде отприлика е Дарио, на свои 19 години. Иако е можеби релативно рано да се стави во некое рангирање за 2017та, еве како моментално изгледа европската листа на резултати и имиња позади нив, на тркачи под 20 години (U20):
3kЗначи, Дарио со синоќешниот резултат би можел да влезе во топ 3 резултати во Европа, под 20 години. Реков, сеуште е рано да се апсолвира пред време оваа дисциплина, но и Дарио штотуку ја истрча само првата трка во сала во 2017 година. Па ќе видиме понатаму како ќе се развиваат неговите резултати.

Што е следно на поголема сцена?
Она што синоќа се одржа во Белград, беше само едно отворање на сезона 2017та во сала, односно натпревар без поголем карактер. За 25 Февруари, во истата оваа сала е закажано Балканското првенство во сала. Една недела после тоа, ќе се одржи и Европското Првенство во истата сала во Белград.

Какви се шансите на Дарио на Балканското првенство? Големи. Низ историјата, медал се земало и со преку 8:30, но сега се малку повеќе членки дел од Балканската Асоцијација. Изминатите години паметеле и тесна битка на големи атлетски гиганти, па истите се бореле за медал со резултати околу 8:10. Значи со супер силна трка и со малку повеќе среќа, Дарио по долги години може да биде носител на медал на Балканското Првенство. На европското секако ќе има тактичка трка. Така што за таму треба да биде подготвен на големи тактики, а не сум сигурен и дали толку вреди. Секако дека медала од европско првенство е нешто многу многу големо, но лудаците од другите земји попрво би те испогризале на сред патека, отколку да ти дозволат да им влезеш во конкуренција за медал. Така што, доколку само истрча супер резултат и го подобри својот најдобар резултат во оваа дисциплина, треба да биде супер задоволен.
Јас можеби не се разбирам од нуклеарна физика, но за атлетика сум роден гуру. Верувајте на овие мои предвидувања.

На Дарио и на MC Running Team им честитаме од името на целиот тим на endurance.mk и посакуваме уште многу силни резултати во сезоната што следува!

dario-ivanovski-615x400

Permalink