VII традиционална атлетска трка Gazi Baba XC Challenge ’17

Со задоволство сакаме да ве известиме дека тимот на endurance.mk и оваа година, по седми пат ќе ја организира традиционалната крос кантри трка Гази Баба XC Challenge.

И оваа година донесуваме новини и поволности за сите наши подржувачи и воопшто љубителите на трчањето, рекреативно и професионално.

Во првите пет дена од пријавувањето ќе имате ексклузивна можност да го одберете вашиот омилен стартен број од понудените рангови. Пријавувањето ќе се одвива преку нашиот партнер www.smartrace.club

Изборот на стартниот број ќе се одвива при процесот на онлајн регистрација, и во овој период плаќањето ќе може да се изврши само со плаќање преку онлајн системот, но не и преку уплатница. Овој прозорец на слободен избор ќе трае само до 10-ти февруари, до 23:59 часот. По завршување на промотивниот период, стартните броеви веќе нема да може да се бираат по слободен избор, туку ќе бидат автоматски доделувани преку системот за регистрација и ќе има можност за плаќање и преку уплатница во банка.

Предноста од пријавувањето во раните периоди е тоа што цените за трките се пониски за разлика од подоцнежните рокови за пријавување. Исто така може да ја искористите поволноста на другата новина доколку се пријавите порано. Сите кои ќе се пријават во првиот бран на пријавување ќе го имаат испечатено и своето име на стартната бројка.

Доколку веќе имате профил на SmartRace и сакате да ги промените вашите податоци (освен име и презиме, датум на раѓање и пол) тоа треба да го направите пред да ја извршите регистрацијата, бидејќи изменетите податоци важат само за нарачките креирани после направената промена. Во спротивно после извршената регистрација ќе се наплаќа секое барање за промена на тим, трка и слично, според ценовникот на нашиот партнер SmartRace.

Старт Гази Баба XC Challenge '16

Старт Гази Баба XC Challenge ’16

Детали за трката

Датум:  05.03 (недела)

Почеток во 11:00 часот

Локација: Парк-шума Гази Баба

Трката е од отворен карактер за сите атлетски клубови, активни атлетичари, рекреативци, љубители на трчањето во природа, од нашата земја, како и надвор од нашите граници.

Должина на патеката:
5.000м. – женска конкуренција;

8.000м. – машка конкуренција.

Старт на трките:
12:00ч

Награди: за првопласираните тројца во машка и три во женска конкуренција, предвидени се парични награди (наградите ќе бидат дополнително објавени);

Првопласираните тројца во двете категории добиваат медали, дипломи и симболични награди од помагателите на трката.

(*организаторите си оставаат за право да ги променат термините за трките и наградите доколку тоа го наложуваат условите, за што учесниците ќе бидат благовремено известени*)

Сите пријавени натпреварувачи добиваат:

мадала ќе добие секој финишер-учесник во трката

мадала ќе добие секој финишер-учесник во трката

– стартен број со чип;

– уникатно дизајнирана финишер медала;

– on-line резултати не подоцна од 2 часа по трката;

– диплома во електронска верзија на вашиот меил;

– освежување за време и по трката;

– во здраво тело, здрав дух и многу забава

Бранови на уплата и регистрација за трката:

Првиот бран на регистрација трае до 20.02.2017 до 23.59часот. До овој термин котизацијата изнесува 590 денари, а секој пријавен учесник на стартната бројка ќе го има напишано и своето име.

Вториот бран на регистрација започнува од 21.02.2017 и трае до крајниот рок за пријавување, односно до 28.02.2017 до 23.59 часот. Во овој термин котизацијата изнесува 750 денари.

Специјална промоција во првите пет дена!!! При процесот на регистрацијата ќе можете да го одберете вашиот омилен стартен број по сопствен избор! Бројките ќе се доделат по принцип, прв пријавен – прв услужен.

ВАЖНО!!! Пријавувањето се затвора на 28.02.2017 (вторник) 23:59 часот.

Подигнување на стартните пакети:

Подигнувањето на стартните пакети ќе биде во период од 12.00 до 15.00 часот, во салонот на Super Ortho (Спортски Центар ”Борис Трајковски”, сутерен, веднаш спроти влезот на лизгалиштето).

Патека: Стартно-целната рамнина е видно обележана, погодна за стартот на натпреварувачите, како и за останатите љубители и симпатизери кои ќе дојдат да го следат овој атлетски настан. Патеката е кружна, еден круг е околу  1.300м и се трчаат онолку кругови колку што е должината на трките.
Патеката е прегледна, обележана околу целиот круг, пропратена со благи нагорнини и надолнини во нејзиниот тек, тревната, земјена површина и чакал, која е погодна за трчање со атлетски патики или со спринтерици.

Како до Парк Шума Гази Баба? – Мапа

facebook event link

Бидете дел од најмасовната крос кантри трка во земјата.

http://endurance.mk/

 

 

Permalink