Две Имиња Запаметете За Оваа Сезона 2017 – Callum Hawkins И Laura Muir!

Во ред, не се од Источна Африка и ништо чудно и да не сте запознаени доволно со овие имиња. Меѓутоа совладуваат ултра тешки имиња од светската атлетика, особено африканци. Овие две имиња доаѓаат од Британија, поточно од Ирска и искрено се прашувам како одеднаш достигнаа толку голем квантен скок во самиот светски врв, но можам да кажам дека разбирам како се прави тоа. Убаво велат – секој има свои 5 минути, потребно е само контунуирана и искрена работа и во вистински момент да се искористат. А овие двајца ирци тоа го прават во највисок стил. Бидејќи многу темелно ја следам Атлетиката, домашна и светска, можам и овој пат да ви кажам едно прејудикција: запаметете ги овие две имиња, сега тек доаѓа нивното време. На Светското Првенство во Лондон ова лето, тие ќе бидат едни од најголемите лидери во трките за медали.
А сега прочитајте убаво што тие направија изминатиов викенд.

Laura Muir: таа минатата година во Дијамантската серија направи вистински сензации. Имаше победи и имаше победи над големи светски имиња и земји како Кенија и Етиопија. Таа едноставно има убиствена брзина и не простува. Што таа направи изминатиов викенд?
На митингот воп германскиот град Карлсруе, дел од IAAF World Indoor Tour, таа победи со сензационални 8:26.41 на 3000м, што претставува нов Европски рекорд. И тоа не е се, овој резултат е број 5 на листата на сите времиња во светот! И тоа не е се, таа во последните 100тина метра успеа да ја совлада супер силната кенијка Hellen Obiri, сребрена медалистка од ЛОИ во Рио на 5000м, која притоа постави нов кенијски рекорд кој гласи 8:29.46. Сега пресметајте колку е вреден нејзиниот резултат. Muir за престојното СП во Лондон најавува дека е во план да трча 1500м и 5000м и на двете трки ќе атакува на подиум.
Трката на 3000м од Карлсруе можете да ја изгледате тука:

Кој е Callum Hawkins?
Само еден мал чекор наназад, затоа што за него има да се пишува романи. Тој на ЛОИ во Рио трчаше во најтешката дисциплина, Маратон и финишираше замислете на високата 8ма позиција, односно највисок пласман од европејците. Во ред, одиме напред. На престижниот Полумаратон на домашен терен, Great Scottish Run при крајот на минатата година, истрча нов Национален рекорд и победи на Полумаратонот со импресивни 60:24 над исклучително тешката конкуренција.
Уште еден чекор напред и стигнуваме до тоа што е најактуелно во моментот. На традиоционалниот престижен, а можеби и еден од најголемите светски кросеви, кој секоја година се организира на Божиќ (07 Јануари), финишираше како второпласиран, со само една секунда заостанување во финишот, а во трка со големиот Mo Farah (кој финишираше само на осмата позиција).
И што се случи во неделата? На несомнено еден од најконкурентните Полумаратони во светот, во јапонскиот град, наречен Marugame Half, победи со импресивни 60:00!! Тој за многу малку не успеа да влезе во клубот sub-60 полумаратонци, но успеа да постави нов Ирски рекорд и да се зацврсти на листата на втората позиција на набрзи британски полумаратонски резултати, веднаш зад натурализираниот Mo Farah (59:22).

Повелете Полумаратонот во прилог:

Значи запаметете ги овие две ирски имиња и верувајте ми на прогнозата дека во иднина ќе направат огромен бум на светска сцена.

 

Permalink