Garmin Forerunner 235, За 2:35 Маратон. Доволно Фер?

Па искрен да бидам и не можев да добијам поголем стимул за трчање на супер силен Маратон. Маратонот ми е закажан за 09 Април, односно за помалку од 3 недели, во германскиот град Хановер. Хановер Маратон е трката која ми е таргет во пролетната полусезона и најверојатно трката која со нетрпение ја чекам и сум реално возбуден поради тоа што ќе се случи таму. Не знам што ќе се случи. но знам како се подготвував за овој Маратон и знам дека беше нешто најдобро до сега.

Атакувам на висок резултат, односно на подобрување на мојот најдобар резултат од пред точно 2 години, истрчан на Милано Маратон (2:38:26). Тоа што на овој Маратон целам е резултат во ранг 2:35. Според параметрите кои произлегуваат од тренинзите и мојата актуелна форма, реално е достижен овој резултат. Иако е (за мене) супер брз ритам (3:40/км), сепак ќе дадам искрени напори и фер трка да се приближам што повеќе до овој резултат. Ќе биде исклучително тешко, но со малку повеќе среќа, добра група и мирни амбиентални услови, далеку е од невозможно да се истрча 2:35 резултат.

Тоа што ми дава уште поголем стимул, е гестот на Garmin Macedonia. Тие деновиве ме исконтактираа со еден своевиден предлог: во серијалот на Forerunner модели на Гармин, постои модел 235. За резултат од 2ч 35мин и испод, во Скопје ќе ме очекува токму тој модел на Гармин. Каков гест! Сериозно ќе се потрудам да го заработам овој спортски убавец, а и да не го заработам, гестот останува на ниво.

Инаку Гармин спортските часовници се едни од трите лидерски брендови за спортски часовници во светот. Тие лансираа голем број на спортски часовници, со врвни перформанси, а истите ги имаме конечно достапни и кај нас. Значи повеќе не е потребно да одиме во Бугарија или Грција или било која друга земја, за да купиме поволен Гармин. Тоа го имаме и тука, со реално фер цени и попусти преку генералниот дилер за Гармин, http://garmingps.mk/index.html. Она што можевме да го купиме во друга земја, за можеби малку пониска цена, секако на крај ќе излезеше повисока. Нешто што е фер е фер и јас секогаш сум објективен и реален. Споредувајќи ги цените на светскиот пазар, со цените во Македонија, секако може да се забележи конкурентноста. А тоа е добро за нас трчачите, наспрема тоа да се влечеме по туѓи земји, да бараме Гармини по сомнителни улички, да развиваме туѓа економија и конечно да добиема евентуална техничка грешка или мана, која понатаму не можеме да си ја покриеме и покрај гаранцијата која ни ја дале.

Garmin Forerunner 235 го има погоре на видеото и таму можам да се видат на кратко неговите карактеристики. Гармин спортските часовници се супер лесни за трчање, се супер едноставни за ракување и поседуваат супер добри перформанси кои се мониторираат и прикажуваат на дисплејот. Станува збор за мерење на дистанца, мерење на ритам, мерење на брзина на движење, мерење на пулсот, мерење на надморска висина и уште некои други карактеристки, секако зависи од моделот кој сме го одбрале.

Лично од неодамна користам Forerunner 25, модел кој е можеби еден од поосновните во серијата, но е супер едноставен и ги поседува речиси сите потребни перформанси за моите тренинзи. Навиката за употребата на Гармин часовниците е исклучително брза и тој за многу кратко време станува дел од нашите тренинзи.

Набавете го што побрзо вашиот Гармин спортски часовник. Линк за контакт тука или можете да не контактирате и нас, endurance.mk тимот, за што секако ќе добиете дополнителен попуст на одредени модели. Скопски Маратон наближува, врзете ги патиките, ставете го часовникот и се гледаме на кеј.

Permalink