Лондон Маратон 2017, В Недела

Што: 2017 Virgin Money London Marathon

Кога: старт на дами елита: 09:15ч; старт на мажи елита и останатата маса тркачи: 10:00ч. (по наше локално време тоа би значело една временска зона плу +1GMT или 10:15 и 11:00ч

Како да гледате: Eurosport традиционално врши директен пренос во живо, секоја година за нас

Награди (за дами и мажи е истата сума):
1во: $55,000                          6то: $7,500                         11то: $1,500
2ро: $30,000                         7мо: $5,000                         12то: $1,000
3то: $22,500                          8мо: $4,000
4то: $15,000                           9то: $3,000
5то: $10,000                         10то: $2,000

Плус следниве бонуси се во игра:
sub 2:05 – $100.000
sub-2:06 – $75.000
sub-2:11 – $1.000
Рекорд на патеката: $25.000
Светски Рекорд: $125.000

Како што веќе знаеме, Лондон Маратон е еден од шесте маратони во лигата на World Marathon Majors, кои носат бодови, а тие бодови за елитата значат потенцијални пари. Како за напомена, до минатата сезона правилото беше прво место добива $500.000, а оваа година таа награда е поделена на пола, односно прво место добива $250.000, но добиваат и второ и третопласираните во генералниот поредок, по $50.000, односно $25.000. што во однос на претходните едиции кога не добиваа ништо, може да се каже дека е за почит.

Комплетните елитни стартни линии, можете да ги погледнете тука:
– елитна мажи
– елитна дами

На листата се наведени 30-тина дами и мажи во елитната постава, но како вредни да се напомена, ќе издвоиме неколку. Започнуваме со дамите: Mary Keitany, кенијката доаѓа со личен резултат од 2:18:37, кој што меѓудругото е трети резултат во Маратон, на сите времиња. Но овој резултат или приближно го нема истрчано неколку години, иако доаѓа со супер силен резултат на полумаратон од февруарскиот RAK Halfmarathon. Со резултат под 2:20 ќе настапат дури 4 маратонки. Едната од нов е етиопјанката Aselefech Mergia (2:19:31), понатаму кенијката Florence Kiplagat (2:19:44) и легендарната етиопјанка Mare Dibaba (2:19:52). А со резултати 2:20:хх, доаѓаат две други етиопјанки – Aberu Kebede (2:20:35) и легендарната шампионка од кенијка, една од трите сестри Dibaba, Tirunesh Dibaba (2:20:35).

Недоволно познавајќи ја формата на целата елитна постави, а судејќи по 1:05 полумаратонот, ќе дадеме еден наш тип за победник на овој Маратон: Mary Keitany победник во недела, на Лондон Маратон!

Што се однесува на машката стартна линија, тука може да се каже дека ја немаме најсилната стартна постава што било кога била најавена, а што е случај во последните 5-6 години во Лондон. Wilson Kipsang веќе го истрча својот пролетен Маратон во Токи, со фантастични 2:03:58, Eliud Kipchoge за жал е дел од големиот смешен проект на Најк за Маратон под 2 часа и по мое мислење, кога тој е во најзрели години за Маратон, кога преставува најсилна закана за цела конкуренција, кога носи најголеми возбудувања низ улиците на градовите каде трча, тој за извесна сума на пари, својата форма ја остри за средината на наредниот месец, каде на Формула1 патеката во Монца, Италија, ќе ја напаѓа бариерата од 2 часа на Маратон.
За разлика од него, Светскиот Рекордер Dennis Kimetto објави повреда и од него нема ни трага ни глас. Истото се однесува и на еден од најголемите маратонски имиња на сите времиња, Stanley Biwott, кој исто така паузира од трка зарди извесна повреда.

А оној кој со сигурност ќе трча и е секогаш во игра не само на победа, туку и на нов светски рекорд, е несомнено GOAT Kenenisa Bekele. Bekele за жал мораше да се откаже од јануарскиот Дубаи Маратон. Имаше несреќен пад на самиот старт од маратонот и како што изјави имал извесна болка во ногата што причинила недоволен комфорт да ја доврши трката. Друштво ќе му прави и Светскиот Шампион од последното светско првенство во Пекинг, еритреецот, Ghirmay Ghebreslassie. Тука е и легендарниот кенијец Abel Kirui, кој веруваме дека е во одлична форма, согласно изјавите на неговиот тренер, Renato Canova, кој рече дека пред овој Маратон, направил тренинг долг 40км, на извесна стаза епска за маратонските тркачи од Кенија и на неа забележал неофицијален резултат, број 3 на сите времиња, истрчан од било кој маратонец во Кенија, но и општо во светот. Feyisa Lilesa е човекот од Етиопија, кој го знаеме како сребрен медалист од последната Олимпијада во Рио, но и по вкрстените раце во финиш, во знак на подршка на луѓето тероризирани во неговата земја. А името кое најверојатно е најголема закана за сите, се вика Bedan Karoki. За него тоа ќе биде деби маратон, а доаѓа со вкупно 7 полумаратони во кариерата, од кои дури 6 се под магичната граница од 60 минути.

Ќе дадеме и тука прогноза за победник: дефинитивно Kenenisa Bekele, доколку ја заврши трката. Доколку има изненадување и се пожали на повторна повреда во текот на трката, за победник го прогнозираме Abel Kirui!

Се гледаме во недела со live известувања на нашиот fan page на Фејсбук.

Permalink