Подгответе Се За Нов Голем Уличен Атлетски Спектакл – ’Охрид ТрчаТ’!

Асоцијација за спортови СПОРТ ЗА СИТЕ – СИТЕ ЗА СПОРТ, од Охрид, најавува голема атлетска манифестација низ улиците на Охрид. Имено, како што најавуваат од организацијата, настанот е од спортско промотивен карактер и основна цел е да се даде допринос на растечката тенденција на спортски настани кои се одржуваат во Охрид. Даден е акцент на Атлетиката, како Кралица на спортовите, а неспорно е дека и самиот одговорен организатор од асоцијацијата, Иван Цветкоски, кој долги години е во атлетските води и посветен атлетски работник, пристрасно ја одбрал ’Кралицата’ и е склон кон атлетските дисциплини.

Што: улична атлетска трка ’Охрид трчаТ’
Кога: 04 Јуни 2017
Каде: Плоштад Св. Климент Охридски , Охрид
Старт: 10:00ч
Како да ја следите трката: ќе има директен линк (broadcasting) на една од локалните ТВ (ќе го објавиме дополнително линкот)
Детали: можете да најдете на ФБ мрежата под името Биди и ти дел.

Се работи за 3 трки во рамки на атлетската манифестација:

  • ♦ Градска трка 10.000 метри
  • ♦ Рекреативна трка 5.000 метри
  • ♦ Тим билдинг трка 5.000 метри
  • Опис на патеката
    Стартот и целта се на плоштадот Св. Климент Охридски во строгиот центар на Охрид.
  • Се трча во централниот дел од Охрид, во стариот дел на градот и на Кеј Македонија.Мерењето на времето е електронски со чипови.
    ohrid trcat
    Ќе има два освежителни пунктови, лоцирани кај влезот на стариот дел од градот (Горнапорта) и пред гимназијата во Охрид, на ул. Димитар Влахов во непосредна близина на

    кружниот тек кај Мини маркет.

    Освежителните станици ќе имаат вода, свежо и сушено овошје.

  • Котизација
    • ♦ Градска трка на 10.000 метри : 500 ден.
    • ♦ Рекреативна трка 5.000 метри : 300 ден.

    Напомена: Регистрацијата се затвара на 02.06.2017 23:59:59.
    Линк за пријавување: http://smartrace.club/

  • Содржина на стартниот пакет
    • ♦ Стартен број со чип
    • ♦ Нотес и пенкало
    • ♦ Магнет
    • ♦ Житарица
    • ♦ Мапа на трката
    • ♦ Рекламни материјали од партнери на Охрид трчаТ

    Стартните пакети ќе се подигнуваат во Дом на Култура Григор Прличев во непосредна близина на плоштадот во Охрид. Тие ќе се издаваат во Сабота, 03. Јуни од 15 – 20 часот.

  • Награден фонд трка 10000 метри
    Мажи/Жени:

    • 1. место 200 евра
    • 2. место 150 евра
    • 3. место 100 евра

Учесниците на трките сами се одговорни за сопственото здравје и психофизичка состојба.

Од организацијата најавуваат одличен атлетски спектакл, каков што до сега немало во Охрид, а слободно речено и улична трка во рангот на големите европски улични трки, така што останува само да се пријавиме на линкот на http://smartrace.club/.

Endurance.mk е секогаш на терен да ги подржи ваквите трчачки иницијативи, па се гледаме во Охрид на 04 Јуни!

Permalink