Зошто Polleo Sport?

Како што повеќето веќе знаете, нашиот тим од неодамна доби нов спортски пријател, тимот на Polleo sport.

Иако сме само на почетокот на нашата соработка, уште од старт мора да бидеме искрени и да изразиме задоволство.

Пред се, затоа што тимот на Polleo sport за нас не е само бренд и бизнис партнер, туку и вистински спортски пријател, нешто што сметаме дека секој спортски бренд кој сака преку своите бренд-репрезенти да стигне до пошироката спортско-рекреативна популација, треба да знае да го примени. Психологијата на човекот кој е потенцијална таргет група секогаш го чувствува тој пријатен и позитивен однос на брендовите кон своите претставници и сака да биде дел од тој тим, преку производот. Сликата во односот на брендот кон своите претставници е одраз и кон потрошувачите, а тимот на Polleo sport тоа одлично го пректикува преку нас, нивните претставници. И обратно, доколку претставниците на брендот се незадоволни, се чувствуваат искористени, тоа несомнено го чувствува и потенцијалната таргет групата на брендовите, што за жал кај нашите спортски брендови е повеќе задолжително, отколку исклучок.

Како успешни атлетичари и спортисти во Македонија, сме имале шанса да имаме контакт безмалку со сите претставници на спортските брендови во земјава. Со 90% од нив сме добиле врата по нос, со 9,9% сме добиле нешто ситно, “да не речете не сме ви дале, ама за возврат ако може и душата да ви ја земеме“ и со 0,1% сме имале минимална, но успешна соработка. Еве што сите тие (особено овие 90% кои погоре ги споменав, а верувам ќе се пронајдат) може да учат од тимот на Polleо Sport MK.Kiradjieva, Кираџиева, Under armour, polleo sport

Прво, сите во тимот, без оглед дали се газди, менаџери, PR, па се до продавачите, сите се запознаени со нас и знаат кои сме ние, што правиме и кон нас имаат огромен почит и однос кој говори: дечки, ние сме тука за вас, подеднакво колку што сте и вие тука за нас. Значи, сите до еден знаат дека тимската работа е круцијална и дека само со взаемна промоција ќе имаме успешна промоција; ние како спортисти – тие како спортски бренд во експанзија.

Второ, пристапот на вработените, уште од прв ден кога влегов во продавница, пред да знаат која сум, беше апсолутно непосреден, што ми дава до знаење дека така се однесуваат со сите свои клиенти, без оглед дали се бренд-репрезенти или секојдневни потрошувачи и случајни минувачи. Апсолутно се запознаени со производите и намената и ќе ви дадат професионална консултација за изборот на опрема или суплементи – нешто што ретко ми се случило во друга спортска продавница или продавница за суплементи во Македонија. Да не ве навраќам 5-6 години наназад, кога трчањето уште беше научна фантастика кај нас, па кога ќе прашавме за патики за трчање, продавачите со сила ни подбутнуваа тениски патики, убедувајќи нѐ дека тие се за трчање! Добро, денес се малку потсменети тие работи и тоа веројатно дека денес на самите патики пишува running, ама добро. Зборот ми е дека во Polleo sport, не треба да се оптеретувате дека ќе ви подметнат тениска патка и да ви кажат дека е за трчање, одлично се запознаени кое за кој спорт е.

Додека сме кај вработените, не нѐ гледаат попреку, како од џеб да им земаме пари или да им сметаме што сме влегле во продавница. Апсолутно се расположени да ни излезат во пресрет, без разлика колку пати ќе ги вратам во магацин со молба: а од овие 38,5 дали имаш? Ама на овие левата патика малку ме стега, ај дај ми 39 да пробам! А од овие истиве црни дали има…

Дарио Ивановски на трка во Under Armour

Дарио Ивановски на трка во Under Armour

Освен ние endurance.mk, односно јас (Весна) и мојот брат Александар, во тимот на Polleo Sport е и тимот од АК Работнички, односно дел од тимот за вас повеќе познат како MC Running Team во состав Дарио Ивановски (шампион и рекордер во полумаратон) и Игор МС Јакимовски (маратонец и тренер на Дарио).

under-armour-the-rock

Dwayne Johnson попознат како The Rock носи Under Armour како бренд репрезент

Ова е прв пат во атлетиката во Македонија (ако не се лажам и во спортот во МКД воопшо), еден ист бренд да поврзе во својот тим два (конкурентни)  клуба, што е уште една апсолутна позитивна работа за пример на останатите брендови, но и спортски клубови. Polleo Sport храбро одлучија под своја закрила да ги имаат најдобрите маратонци и полумаратонец, без притоа да прават подебла врз основа на тоа кој од кој клуб доаѓа. И нас апсолутно ни е драго што сме дел од истиот овој тим, конкуренти сме на патека, надвор од патека сите ги почитуваме подеднакво, колку што добиваме почит за возврат.

Што се однесува до опремата, тие се застапници на ексклузивниот американски спортски бренд Under Armour (UA). Еден од најпознатите претставници на брендот е актерот Dwayne Johnson попознат како The Rock (знакот на UA неизбежно ќе ви падне во очи на неговата униформа во сите четири дела на “Fast & Furious”, во кои глуми тој.

За удобноста и практичноста нема да ви трошам време, само ќе ви предложам сами да пробате, па да пресудите.

На кратко, ете зошто ние се одлучивме за Polleo Sport. За повеќе, следете не на нашите социјални мрежи доколку тоа не сте го направиле до сега, апсолутно бесплатно е, или следете ги Polleo Sport.

 

Permalink