City Park Night 21 ‘17

Во организација на Endurance.mk (АК Индјуренс – Скопје) по трет пат ќе биде организирана атлетската манифестација “City Park Night 21”, прв и единствен ноќен полумаратон во Македонија.
Настанот е од рекреативен и отворен карактер за сите атлетски клубови, активни атлетичари, рекреативци, љубители на трчањето во природа, од нашата земја, како и надвор од нашите граници.

Опис на патеката

Стартот на Полумаратон ќе биде видно обележан и се наоѓа во непосредна близина на дискотеката Икс Ел (XL) во Градски Парк – Скопје (позади Лун Парк). Патеката е кружна. Еден круг изнесува 1730м и се вртат вкупно 12 круга.
Финишот е помалку од 100м подолу од стартот, исто така видно обележан, со балон/капија на самата финиш линија и рефлекторско осветлување.
Патеката е прегледна, обележана околу целиот круг, како и на критичните вртења.

Видео приказот на патеката е достапен на следниот линк

Временски лимит

Временски лимит на трката e 3 часа.

Оваа година воведуваме и рекреатвина трка за оние кои не се чувствуваат доволно подготвени за полумаратон.
Трката е на 7.000м (4 круга) и се трча по истата патека како и полумаратонот. Стартот е заеднички со полумаратонците.

Бранови на уплата и регистрација за трката

  • Првиот бран на регистрација трае до 20.08.2017 до 23.59часот. До овој термин котизацијата изнесува 590 денари.
  • Вториот бран на регистрација започнува од 21.08.2017 и трае до крајниот рок за пријавување, односно до 29.08.2017 до 23.59 часот. Во овој термин котизацијата изнесува 750 денари.

ВАЖНО!!! Пријавувањето се затвора на 29.08.2017 (понеделник) 23:59 часот.

Пријавување на smartrace.club

Стартни пакети

Сите пријавени натпреварувачи добиваат:

  • – стартен број со чип;
  • – финишер медала;
  • – on-line резултати не подоцна од 2 часа по трката;
  • – диплома во електронска верзија на вашиот меил;
  • – освежување за време и по трката;
  • – во здраво тело, здрав дух и многу забава.

Подигнувањето на стартните пакети ќе биде ден пред трката, деталите ќе бидат објавени на нашата веб страната (endurance.mk) и официјални профили на социјалните мрежи, а за истото ќе добиете и навремени информации на меилот со кој сте се пријавиле за трката.

Напомена: Организаторот го задржува правото за промена на термините за трките и наградите доколку тоа го наложуваат условите, за што учесниците навреме ќе бидат известени.

Право на учество имаат сите лица што на денот на трката имаат наполнето 16 години. Помладите натпреварувачи може да учествуваат само со писмена согласност од своите родители/старатели.

 

Дојдете да го трчаме Градски Парк под ѕвезди!

 


Permalink