Трет Национален Рекорд На Дарио Ивановски – 3000м, 8:17:92!

Вчера, атлетската, но и спортската јавност, ја разбранува вест за нов Национален Рекорд. Искрено, не сме навикнати на вакви случувања, особено на средните стази, затоа што рекордите датираат со повеќе од една декада и се за нас недостижни. Но ова момче докажува дека не е ништо недостижно и дека голем дел од рекордите се сериозна смешка во однос на она што тој го има како потенцијал во себе.

Каде: Големата награда на Србија (Нови Сад 2017)
Кога: 28 Август 2017
Кој: Дарио Ивановски:
Што: Национален Рекорд на 3000м. (отворено)
Колку: 8:17:92

Ова момче на своето портфолио веќе има два рекорда. И тоа Национални рекорди кои беа многу години стари – 3000м во сала и 1000м на отворено. Но овој од вчера датира од далечната 1992 година, рекорд на легендарниот кумановец, Јонуз Јонузи. Иако ова е рачно мерен резултат, истрчан во Скопје (8:18:7), не ми е јасно зошто во официјалните рекорди на страната на АФМ е внесен со нула на крајот од стотинките, но верувам дека е ненамерна грешка при освежување на официјалната страна на Федерацијата.

Како и да е, Ивановски вчера го собори и овој рачен рекорд, иако како што изјави, немал ни престава колку изнесува Националниот рекорд, а и по соборување, не ни знаел дека е НР. А зошто и би знаел, кога трча all out и се бори до крај за секоја стотинка. Само да не биде како една епилогот како една легендарна светска трка на 3000м стиплчејз, 2011 во Монако, кога за точно една стотинка не беше соборен рекордот на легендарниот Saif Saeed Shaheen (7:53:63), бидејќи кенијецот Brimin Kipruto, буквално влезе ноншалантно, не знаејќи дека испушти историја која којзнае кога и дали воопшто некој ќе ја достигне. Само кажувам.

Од скромните сознанија, неофицијално од неговиот тренер Игор Јакимовски, дознавме дека планот бил да се држи ритам од нешто ситно под 2:50/км. Но Дарио се чувствувал толку моќно пред самиот старт на трката, што верувал во себе дека може и по 2:45 да ги врзе километрите. Тој ги врзал по 2:46 во просек, што е вистински европски ритам. Трката во Нови Сад буквално била тајм трајал за него, затоа што немал апсолутно никаква достојна конкуренција и речиси целата конкиренција ја поминал за еден круг. Можеме само да претпоставуваме што би се слу

Инаку за оние статистичарите, а уште повеќе за оние кои се фанови и приврзаници за IAAF ’унгарската’ таблица, овој резултат носи 954 бода. Ок, веќе малку полесно се поднесуваат работите. Можеме да се надеваме дека лесно достижните 900+ бодови во спринтерските и техничките дисциплини, сега веќе ги имаме и во една distance дисциплина, што ги прави далеку повозбудливи работите. Тоа би значело дека во наредниот период, на големите натпреварувања можеме да го гледаме Дарио. Со реални очекувања сме дека ова момче ќе ги фати и фамозните 1000 бодови, можеби не на 3000м, но во некоја од другите дисциплини.

Останува да го следиме остатокот од сезоната и да видиме што уште Дарио може да направи.

Permalink