Волонтери на Ноќниот полумаратон City Park Night 21

Волонтерите се многу важен, есенцијален дел од секоја поголема организација. Волонтерите се оние кои ги помагаат организаторите, но пред се натпреварувачите, ги бодрат, навиваат, даваат подршка со самото свое присуство и помош на патеката. На трките кои ги организираме ние, тимот на endurance.mk се секогаш од огромна помош, пријателски и ентузијастички настроени, а ние сме горди и благодарни на секој еден од нив кој низ годините ни излегол во пресрет на нас, но пред се на тркачите, рекреативци и атлетичари, учесници на трките City Park Night 21 и Гази Баба XC Challenge.

волонтер на трка

волонтер на трка

Сите оние кои не се во можност да трчаат се повеќе од добредојдени како волонтери на нашата претстојна трка, ноќниот полумаратон City Park Night 21. Воедно, за вас ова ќе биде одлична прилика да им помогнете на сите тркачи, но и да бидете дел од една голема организација, да видите што значи и како позадински изгледа организирање и помагање на ваков тип на манифестација, да ги гледате натпреварувачите од први редови и да бидете дел од атлетската толпа.

Вашата помош ќе ни биде потребна околу делење на денот на трката (02. Септември) во период од 18.30 – 23.00 часот, кога ќе ни треба помош околу бележење на патеката, делење на освежување на натпреварувачите за време на трката, делење на медали во финиш на натпреварувачите, асистенција на официјалните судии и слични активности кои ќе ги распоредиме меѓу сите пријавени волонтери на денот на трката.

Сите заинтересирани може да го пријават своето присуство на нашиот меил endurancemkproject@gmail.com,  Откако ќе го потврдите своето учество, ќе ви ги дадеме останатите детали и воедно може да ни поставите допонителни прашања за сѐ што ве интересира околу вашиот ангажман.

Бидете и вие дел од единствениот ноќен полумаратон во Македонија City Park Night 21.

Permalink