Закачалка за медали

Сега кога сте тркачи со завидна бројка на финишер медали или атлетичари со по некој златен, сребрен или бронзен медал, сакате соодветно место во домот каде вашите успеси ќе бидат евидентни за сите ваши пријатели, но и и ваша гордост. Најчесто импровизираме со шајки или стојат некаде во некоја кутија неуредно, свиткани и стуткани. Јас лично ги чувам во аквариум бидејќи е проѕирен и голем и колку-толку се на видно место.

Ова им го споменав на  екипата од компанијата Пехар каде вообичаено ги изработуваме нашите медали и пехари за трките Гази Баба XC Challenge и City Park Night 21 и им ја кажав мојата замисла за да изработат еден прототип на ваква закачка како што имам видено на некои странски портали и да се обидат да направат еден тест за мене, па ако им се допаѓа и да ги пуштат во продажба.

Ова е производот:

Закачалка за медали

Закачалка за медали

Навистина е едноставен и практичен за нас тркачите и освен тоа, одлично изгледа. Плус вие самите можете да си ја креирате и нарачате вашата омилена квота, со вашето име или име на клуб, како и величината на закалката. Нормално тоа ќе влијае на цената, но кога ќе размислите дека таа закачала ќе го краси вашиот дом и ќе го отсликува вашиот личен успех, тогаш инвестицијата е дефинитивно вредна.

 

Permalink