Топ 10 подароци за тркачи-ки/атлетичари-ки

                 Знаеме дека има огромен број на понуди за подароци, без разлика дали е за новогодишен подарок, за роденден на тркачки пријатели или неофицијален повод. Нашите блиски највеќе ќе ценат доколку подарокот е личен и е “погоден“. Така ќе знаат дека е искрено и од срце, што е и целта на подарокот. Ние тркачите сме специфични, иако изборот е многу лесен. За жал, сеуште тркачката заедница е мала во Македонија, а информираноста за спортот, атлетика и воопшто за рекреативното трчање е сеуште на ниско ниво кај пошироката популација, па вашите пријатели не знаат што да ви подарат без да ве прашаат и така да го уништата изненадувањето. А често и на нас самите ни треба идеја што да им подариме на нашите тркачки пријатели, а притоа да не потрошиме мало богатство. Веруваме дека ќе најдете идеи во странските тркачки списанија и сајтови, но најчесто, тие (освен што не се на наш јазик) се несоодветни идеи за нашиот пазар од две причини: или се недостапни производите на домашниот пазар или цените не се предвидени за наш стандард. Затоа ние се потрудивме да ви олесниме и како тркачи да ви предложиме топ 10 најинтересни идеи, кои и ние како тркачи, а веруваме и вие би се согласиле дека се прифатливи, па ќе ви остане само овој пост да го споделите со вашите не-тркачки пријатели, следен пат кога ќе ве прашаат што сакате за роденден (или Нова година).

Кога тргнав да го пишувам овој пост, сметав дека најдобро би било топ 10 ставките да ги распоредам од најефтино кон поскапо за да можете полесно да се снајдете. Па случајно или не, вака испадна распоредот:

izdrzi kralice

 

1.Книга. Нормално со тркачка/маратонска содржина. Нормално дека прво ќе си ја споменам домашната, кирилична тркачка книга, “Издржи, кралице“ која моментално, за новогодишните празници е со супер попуст, па е фактички и најефтиното нешто што може да го подарите за некои минимални 5-6 евра, а сепак да ги задоволите желбите на вашите тркачки пријатели. Секако, доколку не сте по македонски автори, може да нарачате и он-лајн книга. Има огромен број на автори во моментот кои фасцинантно пишуваат и советуваат за трчањето, споделуваат и совети и лични искуства. Книгите се најчесто од 7 евра па нагоре, плус трошоци за испорака. Од мое искуство со нарачување книги он-лајн, се чека околу 20-30 дена, па треба да си нарачате на време и да ги пресметате овие работи однапред. Секако дека наш предлог е првата опција, за да се поштедите од мака.600+

2. Чорапи. Никогаш доволно, нели? Можеби за просечните луѓе, чорапи на подарок е некреативно клише, но ние тркачите сме далеку од просечни. И нека не ве лаже помислата дека е срамота бидејќи делува како ефтин подарок, па ќе помислиме дека пријателот не се потрудил. Не, не, тука зборуваме за специјализирани тркачки чорапи. Најчесто одат по 3 до 6 пара во пакување и цените се движат од 500-600 денари, па нагоре. Како што кажав, никогаш доволно чорапи, особено за нас атлетичарите кои правиме и по 13-14 тренинзи во неделата.320мкд 2+1

3. Гелчиња. Енергетските гелчиња се задолжителни за тркачите на долги патеки. Почнуваат базните подготовки, кога ќе се прават должини, тренинзи од 20км и нагоре, тренинзи кои ќе траат повеќе од 2 часа и гелчиња се потребни за да ја одржиме енергијата до крајот на тренингот. Не се најпродавано нешто и се наоѓаат исклучиво во специјализирани продавници. Ние знаеме за една – Polleo Sport и тие ќе ви ги препорачаме од домашниот пазар бидејќи ги имаме испробано и сме супер задоволни од производот наспроти цената (320 ден за 2+1 гратис).

70mkd-150 4. Енерџи бар (пакетче). Пакетчиња ни се слабост на сите. Тоа се детските спомени и никој не може да одолее на вкусот на чоколадо. За да го одржиме нивото и спортскиот дух, зошто да не бидат тоа енергетски и протеински барчиња во мини пакетче, а ако имате екстра можност, додадете и некое енерџи гелче на сето ова, или електролитен напиток.

jlab-epic5. Слушалки. Кога избирате слушали за тркачи, важно е да бидат од оние со гумичка која може да се заглави во увото со вакум, во спротивно слушалките само ќе ви паѓаат од уво и ќе ве нервираат. Денес има огромен број на понуда кога станува збор за слушалки, но вие фокусирајте се на оние за тркачи. Можеби е минимално поскапа инвестиција, но вреди. Плус, денес и тие не се многу скапи, некаде од 500 денари па нагоре, во звисност од квалитетот.

IMG_05966. Шоља со принт + кафе. Кафето е нешто задолжително за тркачите. Мислам дека не познавам тркач, особено на долги патеки кој не пие кафе. Па затоа, ова е одлична идеја за подарок. За да биде подарокот уште повеќе личен, нарачајте да ви испринтаат шолја со лична порака, може да биде со тркачка содржина. Оваа комбинација би ве чинела околу 800-1000 денари (со македонско кафе, веројатно дупло поефтино).

Цена 1.790мкд7. Ролер, јога чергичка. Најчесто, самите на себеси не си купуваме вакви реквизите, не дека не ни требаат, туку никогаш не ни се приоритет. Затоа е најубаво ако ги добиеме/подариме како подарок. Нема утка кога станува збор за ваков подарок и ќе ве чини помеѓу 1000-1800 денари.

Summer-Running-Gear-Guide8. Опрема (маичка, дрес, шорц и сл). Доколку со вашиот буџет може да си дозволите подарок поскап од 1000 денари, тогаш прошетајте низ спортските продавници и побарајте атлетска опрема. Атлетска опрема никогаш доста, исто така. И ако сакате да одите чекор понатаму, испринтајте кул квота која ќе бидете сигурни дека на вашите блиски (на кого и да ја подарувате) ќе бидат апсолутно погодени. Но само ако сте сигурни, ако не сте, подобро да не уништувате совршена брендирана опрема.

Capture9. Котизација за трка. Веќе цела година пријателот ви зборува дека следната година задолжително ќе се пријави на некоја локална трка како Скопски маратон. Зошто да не им олесните, па оваа година, вие да го сторите тоа наместо нив и како подарок да им го дадете ваучерот од пријавата. Супер изненадување, нели?

Закачалка за медали

Закачалка за медали

10. Закачалка за медали. Вашите пријатели само со тоа се фалат секој пат кога ќе одите на гости. Медалите им се насекаде во станот, без одреден ред. Еве идеја за супер изненадување: персонализирана закачалка за медали, со лична порака. Ова за сега кај нас единствено може да го нарачате преку компанијата Пехар која се занимава со изработка на медали и пехари, а од неодамна и вакви закачалки. Одлична и уникатна идеја за подарок, сите ќе се согласите.

Permalink