ДЕМАНТ?!!

За оние кои не сте во тек со настаните внатре во АФМ, прво во прилог ги приложуваме материјалите кои беа испраќани по меил до клубовите и институциите, како и до медиумите, а со цел да го сфатите нашиот понатамошен текст (иако веруваме дека и без тоа ќе фатите приклучок лесно)

Демант Крсто Серафимовски 19.12.2017

Oдговор од Иван Цветкоски

Oдговор од Кристијан Кајчевски

Прво “демант“ – терминолошки ви е утнато. Што точно демантирате? Не е јасно од текстот бидејќи од сѐ што прочитавме, сфативме само дека напаѓате личности кои не се на никаква функција за да бидат одговорни за незавидната позиција на атлетиката, додека Вие самите кои сте на функција која сноси одговорност велите дека не сте.

Нема потреба да давате било какви деманти, а нема потреба ниту ние. Работата и напредокот на атлеткате е очигледен факт – атлетиката е на дното на спортот во Македонија и светот и тоа под раководство на истата онаа гарнитура која датира од пред 30-40, па и 50 години. Тоа е факт по себе и никој од нас нема потреба да покажува со прст кон никого, за тоа, кој, што и кога сработил или кој што украл. Фактот е нопобитен, а тоа е дека атлетиката во Македонија и светот е на дното и не може да оди подоле. И вие покажувате на прст кон другите, но никако не прифаќате достоинствено одговорност како Претседател.

Не сте во позиција Вие да покажувате со прст. Вие сте со години и години на позиција каде имавте можност да покажете знаење и умешност да се справите со тонењето на атлетиката. Но не го направивте тоа, што пак ќе кажам е факт, а не наша лична перцепција. Резултатите зборуваат сами. Не сте во позиција Вие да покажувате со прст, зошто вие сте највисоко, вие и вашиот тим ги држите конците во атлетиката и нелогично е да покажувате со прст кон оние кои се далеку од сѐ што се случува и се случувало со атлетиката, финансиите, семинарите, натпревари, шетања, шетања и шетања. Не сте во позиција од каде вие треба да покажувате со прст, туку обратно – функцијата ви е јавна и други треба да покажуваат со прст на вас, позитивно или негативно за тоа што сте го сработиле додека сте биле на функција каде ја имате моќта да направите промени. Но не сушаме НИКОЈ да каже еден единствен позитивен збор за Вас и Вашиот тим стручњаци. Но затоа има огромо незадоволство и критики. Кој лаже? Вие кој самиот себе се фалите, или мнозинството незадоволни активни клубови кои ја одржуваат ВАШАТА атлетика од изумирање? Кој лаже? Оние атлетичари кои мрзнат на кеј и немаат ниту соблекувални, ниту стадион каде да тренираат? Тие ли лажат Претседателе? Или вие кој се самофалите дека многу сте придонеле за атлетиката? Кого треба да покажуваме со прст со сите негативности?

            Тоа семејство Кираџиеви кое го покажувате со порст е единственото кое ви дало подршка кога никој друг не ви давал. Тие мајка-татко Кираџиеви кои ги покажувате со прст единствено се појавувавле да судат на натпревари во организација на АФМ иако и ден денес не им се исплатени дневниците кои ги сработиле за да ви дадат подршка, бидејќи никој друг не ви се нафаќа да ги суди вашите импровизирани натпревари без да добие финансии, освен тоа семејство кое сега бесрамно го покажувате со прст. Тие син-ќера (и снаа, заборавивте да споменете), се шампиони и рекордери во своите дисциплини и не се наградени ниту еднаш за тоа што го работат и се единствени кои ја одржуваа атлетиката жива додека сите други атлетичари, незадоволни од Вашата работа се откажуваа еден по еден. Тие син-ќерка ја одржуваат преку секојдневна промоција на својот веб сајт, преку организирање трки, преку објавена книга, преку гостување во емисии и преку тренирање на млади талентирани деца. Така се одржува и се напредува Кралицата. Не со седење на функција и покажување со прст кон единствените кои моментално ја одржуваат атлетиката во живот.

 Тие Кире и Иван за кои покажувате со прст дека “наводно“ краделе (можат да ве тужат за клевета и навреда патем) имаат со факти организирано успешни манифестации на светско ниво. Придобиле огромна маса тркачи и атлетичарите ги задржале во атлетиката. Атлетичари како мене и мојот брат Александар, кои ако не беа таквите трки и овие двајца организатори, немаше одамна да бидеме во атлетиката која вие и тие неколку околу вас ја водите, а ја водите само во пропаст и накаде на друго место. Факт. Кажете ми вие контра факт, а не бајка во која вие сте принцот кој ја спасил атлетиката. Факт е дека само тие неколку улични трки, на чело со Скопски маратон моментално ја одржуваат атлетиката, а Охрид во кој благодарение на вас и тие од таму кои ве подржуваат со тапкање по рамо наместо со работа како Иван, кој моментално е единствен кој може да ја спаси атлетиката во Охрид. Не гледаме некој кој искрено работи за атлетичарите во Охрид и ги прашал што им треба за да продолжат да тренираат. За нив двајца најдовте да зборувате дека работат од лични интереси? Не ви е срам да се косите со очигледните факти кој работи атлетика, а кој не?

Се обидовте бесрамно да ја украдете организацијата на Скопски маратон мислејќи дека нив им паѓаат пари на конто, а тие ништо не работат, за да успеете заради алчност и личен интерес да успеете да потонете единствената голема атлетска манифестација! Ако сте толку способни да организирате таква манифестација, каде бевте до сега, 50 години самите рековте дека сте во овој спорт? Каде бевте досега да организирате ваква голема манифестација или манифестација како Охрид трчаТ? Никој сигурно не Ви бранеше. Јас знам. Бевте неспособни и неагилни. Таму бевте. Па сега не ви се допаѓа кога гледате помлади и амбициозни луѓе како Иван и Кире дека тоа го прават многу успешно и пробувате да ширите лаги и невиситини како мало тинејџерче. Возрасен човек кој треба да биде пример за нас!

Сеуште ќе чекаме на издржливи факти за напредокот на атлетиката од Вашето раководство и од некој задоволен (само еден, не повеќе) кој ќе стане и јавно со факти ќе каже, јас, тој и тој сум задоволен од работата на претседателот и неговите соработниците поради тоа и тоа. Ќе чекаме на тоа, иако сите го знаеме одговорот. Никој не сака да се фрла во оган за Вас бидејќи не сте заслужиле и тоа ви е јасно и не ви е убаво, јасно ни е. Се плашите дека никој нема да му биде гајле за Вас откако ќе ја напуштите атлетиката, бидејќи не сте оставиле ниеден добар впечаток и затоа со цело недостоинство се борите и гребете со лаги за да ја задржите позицијата колку подолго можете, зашто штом се затвори вратата, никој нема да Ве познава, ќе Ве заборават и сте едвај  чекаат да Ве заборават. И тоа ви е јасно, затоа гребете да ја задржите позицијата. Жално е што возрасен човек кој треба да биде пример за тоа како треба ние младите да се однесуваме е напротив, толку лош пример за недостоинствено однесување и покрај незадоволството од страна на мнозинсвото клубови и атлетичари, наспроти неколку подлажани блиски соработници со ветувања за позиција во некој совет, кои се на исто ниво “заслужни“ за нивото на денешната атлетика колку Вас. Факт. Бидете искрен барем кон себе си и размислете дали сметате дека сакате ова што сега го правите да биде пример за нас помладите како треба ние да се однесуваме кога ќе бидеме на Ваша возраст и позиција кон помладите и амбициозни лица кои ќе дојдат после нас? Дали е во ред? Дали сметате искрено дека ни оставате добар пример? Јас не мислам така и затоа ќе се трудам никогаш да не остарам во личност како Вас и тие неколку околу Вас.

На крајот, дозволете да гласаме ако сте толку самоуверен во Вашата праведност, задоволство на клубовите и дека мнозинството Ве подржува. Од што се плашите? Од што бегате? Можеби од тоа дека сте свесни дека мнозинството не Ве сака за претседател и дека мнозинството не е задоволно од вашата 50 годишна работа во атлетиката и на тие неколку околу Вас?

Permalink