Репрезентативците на Македонска Атлетска Федерација на подготовки за ЕП во планинско трчање

Во пресрет на Европското првенство во планинско трчање кое ќе се одржи на 1ви јули (недела) во Скопје, на Водно, македонските репрезентативци ги започнаа своите подготовки на тренинг кампот кој Атлетската Федерација на Македонија ги организира за нашите најдобри репрезентативци. Подготовките започнаа да ги реализираат од вчера (20ти јуни) на Средно Водно каде ќе останат до 28ми јуни, од каде подоцна ќе бидат преместени во карантин во официјалниот хотел на сите учесници на ЕП.

Списокот на македонските репрезентативци кои се  селектирани учесници да ќе ги бранат боите на Македонија на претстојното ЕП е во состав со веќе познати и звучни атлетски имиња, како нашата атлетичарка Весна Кираџиева од АК Индјуренс (endurance.mk), поранешна рекордерка и шампионка на Македонија во маратон, полумаратон и 10.000м, потоа Адријана Поп Арсова, актуелна рекордерка на овие дисциплини, Атанас Анчевски, шампион на 10.000м. На сениорските трки на ЕП исто така ќе настапат и Александар Кирковски, Милош Ранчиќ, Марјан Бонев и Муџахид Муслимовски.

Кај младинците, боите на Р. Македонија ќе ги бранат Д. Ангеловски, М. Драгановски, Х.Куртиши и Р. Шеипи, додека кај младинките тоа се Х.Азири и сестрите Лазароски.

Свеченото отварање на Европското ќе се одржи на 30ти јуни (сабота) кога на Плоштад Македонија ќе продефилираат сите атлетичари од европските земји учеснички на ова првенство.MKD team Sredno Vodno

Репрезентативците фи покануваат сите граѓани да дојдат на Плоштад на 30ти јуни од 18.00 часот да го подржат Македонскиот тим во црвено-жолто, како и на денот на трка, 1ви јули (недела) на Средно Водно од 09-13 часот.

(*за подетални информации посетете го официјалниот сајт на ЕП Скопје 2018 http://www.emrch2018-skopje.com/)

 

Permalink