Шри Чинмој маратон на себенадминување. Државно првенство во полумаратон.

 Вчерашната трка (14.октомври) која беше и државно првенство на Македонија беше во организација на Шри Чинмој маратон клуб и ова им беше јубилејно 20 издание на полу/маратон. Исто толку колку што години јас тренирам атлетика. Scan1

На сликите сум јас на нивната трка во 2002г. (тогаш се викаше Виножитен мартон, подоцна преименуван во Маратон на Себенадминување). Важно ми што победив на оваа трка не само затоа што по кој знае кој пат станав државен шампион, туку бидејќи со оваа трка ја почнав определбата кон долги патеки. Точно дека првиот маратон го истрчав години подоцна на Скопски маратон, ама првиот полумаратон го имав таа 2002г. на мои 16 години. И победив кога никој не веруваше дека можам и да го дотрчам, освен моето семејство и уште еден тркачки пријател – маратонец кога Македонија не ни знаеше што е тоа маратон, трчаше на маратон во Њујорк кога повеќето не можеа да замислам каде тоа, Александар Чекоров кој ми предложи и ме поддржа да трчам на оваа трка во период кога бев изгубена во атлетиката, без тренер бидејќи две години претходно го загувме тренерот Мето. Мојот брат Александар Кираџиев ја трчаше таа трка до мене за да ме влече. Scan2

Шри Чинмој маратон клубот водеше маратонска екипа многу пред тоа да стане тренд во Македонија и се едни од основоположниците и затоа ми беше важно денес да ја истрчам и уште поубаво, победам тркава. #20yearsrunning Дваесет години атлетика.  Тргнав со идеја да ја истрчам тркава околу 1:50ч. но на стартот видов дека девојките кои трчаа мислат сериозна работа. Па го следев ритамот на конкуренцијата што беше некаде ритам од 4:30/км. Тргнав несигурна поради повредата која уште ја залечувам, сеуште со мало поткривување, финиширав со далеку послаб резултат од мојот најдобар, но задоволна што финишав како што финишив.

Весна Кираџиева, шампион на Македонија во полумаратон за 2018 година

Весна Кираџиева, шампион на Македонија во полумаратон за 2018 година

Ова го споделувам зашто историјата на македонската атлетика е штура и важно е да се знаат и ценат оние кои ја довеле на свои раце и без поддршка макар до тука. Многумина не го ценат тоа, јас и мојот тим #endurancemk не сме едни од тие бидејќи и самите точно знаеме што значи тоа. Го почитувам и ценам дупло секој кој макар малку го цени она што го работам. И ова е мал допринос да ја покажам мојата почит!

Permalink