Доха – Светско во Атлетика 2019; Технолошки квантен скок

Кога се работи за квантни скокови во општествениот напредокот генерално, Катар и Доха се на врвот, особено ако ги земеме во предвид географските околностите во кои опстојува оваа нација. Инвестираат ненормално во секој поглед. Се изборија и да ја превземат организацијата за СП во атлетика кое се одржува оваа година.

На постот кој го објавивме пред некој ден со поважните дати, веројатно го забележавте и овој – 27. септември. Доколку сте страствен фан на атлетиката, знаете дека јули-август е терминот за СП. Но фактот дека оваа година тоа се одржува во пустина, периодот е поместен за 27. септември – 06.октомври. Ако прогуглате за просечна температура во Доха овој перод, нема да ви олесне: просекот вели 39°С / 29°С. Секој што протчал макар по автобус во јули во Скопје (Македонија) знае што значи ова. Замислете маратон!!!

Но, Доха не е Доха и Катар не е Катар ако не се надминат себеси. Еве што смислија тие:

Cool stadium / Ладен стадион

Стадионот Калифа (Khalifa Stadium), каде ќе се одржуваат натпреварите е револуционерен. Се работи за стадион кој има внатрешна климатизација на самиот стадион. Оваа климатизација ќе овозможи ладење на теренот и оптимални температури за атлетичарите, но и за публиката, а притоа користи одржлива енергија.

1f2685bb-b040-469a-b362-658b6b637fc1

поставеност на климатизерите

Институтот Глобален систем за проценка на одржливост (The Global Sustainability Assessment System – GSAS) го сертифицираше стадионот, а истиот ќе имаат шанса први да го испробаат натпреварувачите на Шампионатот на Азија кој се одржува во април, па ова воедно ќе биде тест пред големиот настан – Светското.

Полноќен МАРАТОН

Првото прашање кое нас ни дојде на памет откако дознавме дека Доха е домаќин на СП беше, ок но што ќе прават маратонците? Исто така беше првото прашање што ни дојде на памет кога дознавме дека стадионот ќе има клима. Да не ги климатизираат и улиците низ цел град? Мислам, зошто да не, после и Скоспки маратон да го следи тој пример 🙂

Организаторите се одлучиле на друг потег, односно сите endurance трки кои се одржуваат надвор од стадион (односно уличните трки) ќе се одржуваат доцна навечер. Маратонот ќе се одржува на полноќ на познатиот кеј Корниш (Corniche) со силно осветлениот град во позадина за кое организаторите ветуваат извонредна снимка со преносот. Настанот ќе биде збогатен со многу семејни активности за да биде анимирана публиката во текот на маратонот, но и атлетичарите.

(Видео од тестот на патеката) ↓

Организаторите ветуваат дека ќе се потрудат маратоните да бидат на највисоко ниво за да остават добар пример во наследство за идните организатори дека ноќните трки се можни, не само во Доха, туку насекаде во светот.

“Катар е млада и амбициозна нација. Да се има толкава амбиција бара иновативност, креативност и смело размислување. Затоа овој стадион има технологија за ладење. Затоа ќе воведеме полноќен маратон. Целиот овој напредок бара имагинација која произлегува од единствена цел, а тоа е подобрување на атлетиката во целиот свет.” – изјави вице претседателот на ИААФ и директор на локалниот организациски комитет, Далан Ал Хамад (Dahlan Al Hamad).


Брза патека

Патеката на стадионот е изработена од Mondotrack и има сертификат за ниска вредност на VOC емисии.

Јас сум апсолутно инспирирана од ова, не знам за вас, само се надевам дека има некој Македонец кој ќе ја разбере изјавата на Далан Ал Хамад.

Може 27. септември да дојде побрзо?

Permalink