Скопје, домаќин на Европско Атлетско Тимско првенство – Трета лига

По успешната организација на Европското првенство во планинско трчање кое минатата година се одржа во Скопје (Водно), Интернационалната и Европската Атлетска Федерација довербата за организација на уште еден голем и престижен настан ја доделија на Атлетската Федерацја на Македонија (АФМ).

Настанот ќе се одржи во период 10-11 август оваа година, на Арена Филип II, Скопје.

Ова ќе биде втор пат Скопје да биде домаќин на едно вакво големо Европско првенство на патека, по Европскиот Куп на 10.000м кој беше организиран во 2014 година, што ја рефлектира амбицијата и подготвеноста на АФМ да биде домаќин на континентално првенство.

53553153_2044173759020041_4722468016858595328_nЗемји учеснички на ова првенство од трета лига се следниве земји:

 AASSE – Атлетска Асоцијација на мали земји од Европа: Гиблартар, Сан Марино, Монако, Лихтенштајн (the Athletics Associations of the Small States of Europe), потоа, Албанија, Андора, Азербејџан, Ерменија, Босна и Херцеговина, Исланд, Косово, Молдавија, Црна Гора, Србија и Македонија како домаќин.

Главен фаворит на тимското првенство е репрезентацијата на Србија кои минатата година испаднаа од втора лига и паднаа во нашата група, во трета лига. Нивен главен адут е скокачката во далечина и актуелна Европска шампионка во сала во оваа дисциплина, Ивана Шпановиќ.

Други фаворити од тимот на Србија се поранешниот европски и светски медалист на 400м пречки, Емир Бекрич, поранешниот европски шампион во сала во ѓуле, Асмир Колашинац, поранешната шампионка во категорија U20 и U23 на 1500м., Амела Терзич и фрлачката на диск, Драгана Томашевич.

Се очекува интересно превенство со присуство на многу актуелни светски и европски имиња од светот на атлетиката, а влезот на стадион за време на првенството е слободен, односно сите љубители на атлетиката и заинтересирани да видат што овој спорт може да понуди кај на нас, ќе можат слободно и бесплатно да ги следат настаните. Наскоро ќе објавиме и детали за временскиот рапоред на трките и натпреварите во технички дисциплини.

Од АФМ ветуваат одлична забава, па и ние ве покануваме да дојдете и да навивате за македонските репрезентативци, како и за сите останати натпреварувачи во викендот 10-11 август. Да ги наполниме трибините!!!

 

Permalink