Еден месец до Светското првенство во атлетика, Доха 2019

Точно еден месец до Светското првенство во атлетика, Доха 2019.

ИААФ денес го објавија изгледот на медалите за првопласираните тројца по дисциплини 🥇🥈🥉
Дизајниран од се-женски тим дизајнерки, медалот го прикажува хоризонтот во Доха кој ќе биде токму во позадина и во фокусот на маратонските трки и илустрација на легендарниот меѓународен стадион Калифа, кој ќе биде домаќин на првенството, за прв пат на Блискиот исток, заедно со 13 различни елементи на атлетските дисциплини се изгравирани на медалите.
процес на изработкаПрвите три медали ќе бидат доделени токму во маратонската дисциплина – жени, која ќе се одржи на првиот ден од отварањето, на 27. септември, со старт на полноќ, односно 23:59 по локално време, односно 22:59 по македонско време. (Доха СП 2019 интро)

“Медал е симбол за возвишеност во нашиот спорт,“ изјави претседателот на IAAF Себастијан Коу. “медалот ги претставува сите години на пот, напор и упорност потребни за да се успее во атлетиката на највисоко ниво, така што дизајнот на медалите мора да биде исклучителен како и напорот за нивно освојување. Нашиот Локален Организациски Комитет во Доха  направи одлична работа во креирањето на медалите кои нашите атлетичари/ки ќе бидат горди да ги добијат како траен спомен од нивниот момент на слава. Јас самиот би сакал да освојам еден ваков. Можеби треба да излезам од пензија.“ – се пошегува Себ Коу.

Ние тука на endurance.mk ќе биде со вас заедно да го проследиме овој спектакуларен настан и да дискутираме за најзначајните моменти од СП Доха 2019! Бидете со нас!

Permalink