Трчај бе!

Можеби повеќето веќе слушнавте за првата градска, битолска трка наречена Трчај бе. За оние кои не сте чуле или не знаете доволно, ќе ви пишам на кратко тука, па се надевам ќе успеам да убедам барем двајца од вас да се пријават 🙂

Во краткиот разговор со еден од организаторите, Никола Димитровски, веднаш сфатив дека се работи за сериозен тим кој сака навистина да направат голем настан, тим кој искрено го сака трчањето и сака да биде дел од оваа растечка “популација лудаци“.

61043718_366464110649416_5260951852287000576_n

дел од патеката на Трчај Бе, Широк Сокак

Моето дваесет и едно годишно искуство во овој спорт ме научило брзо и лесно да ги препознавам искрените фанатици кои имаат голема слика во главата, без исклучиво личен интерес, туку интерес за раст на овој спорт и самиот факт дека ‘Трчај Бе’ од самиот старт се поставуваат со огромна почит кон нас, домашните, македонските атлетичари, кажува многу за една организација. Почитта која ја покажуваат и кон останатите организатори, од другите поголеми трки во Македонија, кои секако на СИТЕ организатори треба да им служат за пример, како Скопски маратон (Скопје Трча 10км, Женска трка) и Охрид Трчат ја доловува целосната слика за тоа за каков тим се работи тука, не треба да си долго во атлетиката за да ја разбереш и почувствуваш позитивната енергија која ја испраќаат од Битола.

Имам чувство дека на 15 септември Битола ќе биде центарот на Македонија, (не мислам географски), дека цела Битола ќе биде на улица, бидејќи меѓу тркачите и алетичарите веќе е еуфорично и сите со нетрпение чекаме да видиме како сето тоа ќе изгледа на самиот ден на трката. Секако и огромниот број на веќе пријавени учесници е факт сам за себе.

Еве и некои практични информации: трката е со старт од 09ч на 15 септември. Ќе има две трки, главната на 10км и трка на 5км. За сите кои сакате повеќе детали, ова се линковите кои мора да ги следите:

фејсбук фан страна

фејсбук ивент

инстаграм профил

веб сајт за сите информации

твитер профил

мапа на трки

Тимот на endurance.mk ќе биде таму за време на битолскиот тркачки викенд и нема да се излажете доколку и вие бидете таму. Плус ова е одлична прилика за тест трка пред скопската десетка на ‘Скопје Трча 10км‘. Кога друг пат ќе имате прилика да кажете дека сте трчале низ Широк Сокак!

Permalink