Шокантно и жално! СП Доха 2019 со празни трибини!

Покрај убавата организација на домаќините од Доха, атлетската јавност и атлетичарите/ките на терен се апсолутно незадоволни од првичниот избор на ИААФ за оваа дестинација за СП! Очекувано високите температури и константно празни трибини не придонесуваат за поголема мотивираност и задоволство на теренот и од атлетичар(к)ите.

Изјавите од поеминентните спортски новинари, како оние од BBC News се дека: “ИААФ ги изневери атлетичар(к)ите“.

Screenshot_2019-09-30 IAAF under fire for low crowds in Doha

Финалето на 100м. жени со празни трибини

Шпекулациите за тоа како Доха дојде до организација на СП беа контроверзни уште кога тие беа само кандидати помеѓу останатите земји. Уште тогаш се шпакулираше дека ИААФ, Себ Коу и соработниците беа поткупени со квалитетна сума од шеиците за да ја добијат оваа организација. Но изгледа не успеале да подмитат доволно популација за да се наполнат трибините.

Атлетиката се повеќе тоне во светски рамки, нема новитети и креативност во тимот на ИААФ и тоа е неминовен факт. Жално е што сеуште сите се потпираат со изговорт за едно име, дека Усаин Болт е тој што ја одржувал атлетиката атрактивна. Вистината е што некреативноста и апсолутната незаинтересираност на Коу и тимот околу него ја води надолу, неблагодарно е целата атлетика да ја сведувате на еден човек, Усаин Болт. Атлетика имало и пред него и била секогаш спорт следен со најголем интерес. Алчноста за пари и слава на моменталните лидери и незаинтересираноста за потребите на спортистите и публиката ја водат надолу.

Поделбата и нееднаквиот третман на спортитсите исто така, суспензија на сите останати тимов (освен еден), меѓу кои Рускиот како главен конкурент на САД! И кога медалите си ги делат САД меѓу себе, тогаш нема конкурентност, нема драма, нема престиж, нема интерес за следење на напреварите.

Permalink